ନୂଆଦିଲ୍ଲୀ, ୨୨ା୫: ଗତ ମାସ ଅର୍ଥାତ୍ ଏପ୍ରିଲରେ ପ୍ରାୟ ୧.୦୮ କୋଟି ଯାତ୍ରୀ ଘରୋଇ ବିମାନ ଯାତ୍ରା କରିଛନ୍ତି। ମାର୍ଚ୍ଚ ତୁଳନାରେ ବିମାନଯାତ୍ରାରେ ୨% ବୃଦ୍ଧି ଘଟିଛି। ମାର୍ଚ୍ଚରେ ୧.୦୬ କୋଟି ଘରୋଇ ଯାତ୍ରୀ ବିମାନଯାତ୍ରା କରିଥିଲେ। ଡାଇରେକ୍ଟୋରେଟ୍ ଜେନେରାଲ ଅଫ୍ ସିଭିଲ ଆଭିଏସନ୍ (ଡିଜିସିଏ) ପକ୍ଷରୁ ପ୍ରକାଶିତ ମାସିକ ତଥ୍ୟ ଅନୁସାରେ ଏପ୍ରିଲରେ ସମସ୍ତ ଏୟାରଲାଇନ୍ର ସିଟ୍ ପୂରଣ ହାର ୭୮%ରୁ ଊର୍ଦ୍ଧ୍ୱ ରହିଛି। ଡିଜିସିଏ ସୂଚନା ଅନୁସାରେ ସ୍ପାଇସ୍ଜେଟ୍, ଇଣ୍ଡିଗୋ, ଭିସ୍ତାରା, ଏୟାର ଇଣ୍ଡିଆ ଏବଂ ଏୟାର ଏସିଆ ଇଣ୍ଡିଆର ବୁକିଂ ହାର ଯଥାକ୍ରମେ ୮୫.୯%, ୭୮.୭%, ୮୨.୯%, ୭୯.୫% ଏବଂ ୭୯.୬% ରହିଛି।