ନୂଆଦିଲ୍ଲୀ,୩୦।୧୨:ବ୍ୟାଙ୍କ ଅଫ୍ ବରୋଦା (ବିଓବି)ର ଘରୋଇ ଖୁଚୁରା ମିଆଦୀ ଜମା ଉପରେ ସୁଧହାର ବୃଦ୍ଧି କରାଯାଇଛି। ବିଶେଷକରି ଏହା ଏନ୍ଆର୍ଓ ଏବଂ ଏନ୍ଆର୍ଇ ମିଆଦୀ ଜମା ଉପରେ ମଧ୍ୟ ଲାଗୁ ହେବ। ଏପରିକି ୨କୋଟି ଟଙ୍କାରୁ କମ୍ ଜମା ରାଶି ଉପରେ ବିଭିନ୍ନ ଅବଧି ପାଇଁ ୬୫ ବେସିସ୍ ପଏଣ୍ଟ ପର୍ଯ୍ୟନ୍ତ ଉକ୍ତ ସୁଧହାରକୁ ବୃଦ୍ଧି କରାଯାଇଛିା ସେହିଭଳି ୩୯୯ ଦିନିଆ ‘ବରୋଦା ତ୍ରିରଙ୍ଗା ପ୍ଲସ୍’ ଜମା ଯୋଜନାରେ ମଧ୍ୟ ଉକ୍ତ ସୁଧହାରକୁ ୭.୮୦% ପର୍ଯ୍ୟନ୍ତ ବୃଦ୍ଧି କରାଯାଇଛି। ଏଥିରେ ବରିଷ୍ଠ ନାଗରିକମାନଙ୍କ ପାଇଁ ୦.୫୦% ଏବଂ ଭଙ୍ଗାଯାଇ ପାରୁ ନ ଥିବା ଜମା ପାଇଁ ୦.୨୫% ଅନ୍ତର୍ଭୁକ୍ତ। ପୁନଶ୍ଚ ବ୍ୟାଙ୍କ ୧ବର୍ଷରୁ ୩ବର୍ଷ ପର୍ଯ୍ୟନ୍ତ ଜମା ଉପରେ ୭.୫୦% ପର୍ଯ୍ୟନ୍ତ ସୁଧହାର ବୃଦ୍ଧି କରିଛି।