ଚେନ୍ନାଇ,୨୬।୧୧ : ଭାରତୀୟ ନୌସେନାର ଶକ୍ତି ଆହୁରି ବୃଦ୍ଧି ପାଇଛି। ବାସ୍ତବରେ, ଚେନ୍ନାଇର କଟ୍ଟୁପାଲ୍ଲୀରେ ସର୍ବେକ୍ଷଣ ଜାହାଜ ଇକ୍ଷକକୁ ଶନିବାର ଫ୍ଲାଇଟ ଅଫିସର କମାଣ୍ଡିଂ-ଇନ-ଚିଫ, ସାଉଥ ନୌସେନା କମାଣ୍ଡର ଭାଇସ-ଆଡମିରାଲ ଏମ ହାମ୍ପିହୋଲିଙ୍କ ଉପସ୍ଥିତିରେ ନୌସେନାରେ ସାମିଲ କରାଯାଇଛି। ଭାରତୀୟ ନୌସେନା ପାଇଁ ନିର୍ମାଣ କରାଯାଉଥିବା ଚାରୋଟି ବୃହତ ସର୍ବେକ୍ଷଣ ଜାହାଜ ପ୍ରକଳ୍ପର ତୃତୀୟ ଜାହାଜ ଭାବେ ଇକ୍ଷକ ଏକ ମାଇଲଖୁଣ୍ଟ ସାବ୍ୟସ୍ତ ହେବ।
ନୌସେନାରେ ସାମିଲ ପରେ ସର୍ବେକ୍ଷଣ ଜାହାଜ ଇକ୍ଷକ ସାମୁଦ୍ରିକ ସୁରକ୍ଷା ଉପରେ ନଜର ରଖିବାରେ କାର୍ଯ୍ୟ କରିବ। ସ୍ବଦେଶୀ ଡିଜାଇନରେ ନିର୍ମିତ ଏହି ଜାହାଜ ମେକ ଇନ ଇଣ୍ଡିଆ ଏବଂ ଆତ୍ମନିର୍ଭର ଭାରତ ଅଭିଯାନ ଦ୍ୱାରା ନିର୍ମିତ ହୋଇଛି। ଏହା ଭାରତୀୟ ଜାହାଜ ନିର୍ମାଣକାରୀ ଗାର୍ଡେନ ରିଚ ଶିପବିଲ୍ଡର୍ସ ଏବଂ ଇଞ୍ଜିନିୟର୍ସ ଏବଂ ଏଲ ଆଣ୍ଡ ଟି ଦ୍ୱାରା ମିଳିତ ଭାବରେ ନିର୍ମାଣ କରାଯାଇଛି।
