କିଛି ପିଲାଙ୍କର ଏକାଗ୍ରତା ଖୁବ୍ କମ୍ ଥାଏ। ତେଣୁ ସେମାନେ ବାରମ୍ବାର ପଢ଼ିଲେ ବି ଭୁଲିଯାନ୍ତି। ଏଭଳି ପିଲାଙ୍କର ପାଠ ପ୍ରତି ଆଗ୍ରହ ସୃଷ୍ଟିକରିବାକୁ
ଜାଣିରଖନ୍ତୁ କିଛି ଟିପ୍ସ…
ପାଠ ପଢ଼ିବା ସମୟରେ ଅନ୍ୟ କୌଣସି ଧ୍ୟାନ ଆକର୍ଷଣ କରୁଥିବା ସାମଗ୍ରୀକୁ ଦୂରେଇ ରଖନ୍ତୁ। ଅର୍ଥାତ୍ ଟିଭି, ଫୋନ୍ କିମ୍ବା ଅନ୍ୟ କୌଣସି ପ୍ରକାର ଖେଳନାକୁ ପାଠ ପଢ଼ିବା ସମୟରେ ସେମାନଙ୍କ ପାଖରେ ରଖନ୍ତୁ ନାହିଁ।
ପଢ଼ିବା ପାଇଁ ଏକ ନିର୍ଦ୍ଦିଷ୍ଟ ସମୟ ସ୍ଥିର କରନ୍ତୁ। ସାଧାରଣତଃ ପିଲାଙ୍କର ଶରୀର ଏକ ନିର୍ଦ୍ଦିଷ୍ଟ ସମୟରେ ହିଁ ଅଧିକ ଆକ୍ଟିଭ ରହିଥାଏ। ତେଣୁ ସେହି ସମୟରେ ପାଠ ପଢ଼ିଲେ ଏକାଗ୍ରତା ବୃଦ୍ଧି ପାଇଥାଏ ଓ ସେମାନେ ପାଠପଢ଼ାରେ ଫୋକସ୍ କରିପାରନ୍ତି।
ପଢୁଥିବା ସ୍ଥାନକୁ ଶାନ୍ତିପୂର୍ଣ୍ଣ ରଖନ୍ତୁ। କୌଣସି ପ୍ରକାର ପାଟିତୁଣ୍ଡ ଅବା ଅନ୍ୟ ଶବ୍ଦ ସୃଷ୍ଟି କରନ୍ତୁ ନାହିଁ। ଫଳରେ ପିଲା ଏକାଗ୍ର ଚିତ୍ତରେ ପାଠ ପଢ଼ିପାରିବେ।
ମନକୁ ଏକାଗ୍ର କରିବା ନିମନ୍ତେ ବିଭିନ୍ନ ପ୍ରକାର ସାର୍ପ ମାଇଣ୍ଡ ଗେମ୍ ଖେଳିବାକୁ ଦିଅନ୍ତୁ। ବାକ୍ୟ ତିଆରି କରିବା ଭଳି ବିଭିନ୍ନ ପ୍ରକାରର ଖେଳ କିମ୍ବା ପଜଲ୍ ସମାଧାନ କରିବା ଭଳି ଖେଳ ପିଲାଙ୍କ ମସ୍ତିଷ୍କକୁ ଆକ୍ଟିଭ କରିଥାଏ।