କରୋନାରୁ ରକ୍ଷା ପାଇବା ପାଇଁ ଏବେ ସମସ୍ତେ ଇମ୍ୟୁନିଟି ବଢାଇବା ପାଇଁ ଚେଷ୍ଟା ଚଳାଇଛନ୍ତି। ଏଭଳି ଏକ ସମୟରେ ପିଲାମାନଙ୍କ ସ୍ବାସ୍ଥ୍ୟ ସୁରକ୍ଷା ପାଇଁ ବାପା ମାଆଙ୍କର ଚିନ୍ତା ବଢିଯାଇଛି। କିନ୍ତୁ ପିଲାଙ୍କ ରୋଗପ୍ରତିରୋଧକ ଶକ୍ତି ବୃଦ୍ଧି କରିବା ପାଇଁ ପ୍ରାକୃତିକ ଉପାୟ ଆପଣାନ୍ତୁ।
ହେଲଦି ଡାଏଟ: ପିଲାମାନଙ୍କୁ ସବୁବେଳେ ସନ୍ତୁଳିତ ଭୋଜନ ଦିଅନ୍ତୁ। ପ୍ରୋଟିନ, ମିନେରାଲ, ଭିଟାମିନ୍, ଅନସାଚୁରେଟେଡ ଫ୍ୟାଟ ଏବଂ ଅନ୍ୟ ସମସ୍ତ ପୋଷକ ତତ୍ତ୍ୱଥିବା ଖାଦ୍ୟ ସନ୍ତୁଳିତ ମାତ୍ରାରେ ଦିଅନ୍ତୁ। ପିଲାଙ୍କ ଇମ୍ୟୁନିଟି ବଢ଼ାଇବା ପାଇଁ ଖଟା ଫଳ, ଗାଜର, ସବୁଜ ପରିବା, ବିନ୍ସ, ଷ୍ଟ୍ରବେରୀ, ଦହି, ରସୁଣ ଓ ଅଦା ଆଦି ଖାଦ୍ୟ ଅଧିକ ଦିଅନ୍ତୁ।
ଭଲ ନିଦ: ଉପଯୁକ୍ତ ମାତ୍ରାରେ ନିଦ ହେବା ଫଳରେ ପିଲାଙ୍କର ଇମ୍ୟୁନ ସିଷ୍ଟମ ଠିକ୍ ଭାବେ କାମ କରିଥାଏ। ତେଣୁ ଇନଫେକସନର ସମ୍ଭାବନା କମ୍ ରହିଥାଏ। ତେଣୁ ପିଲାଙ୍କୁ ଠିକ୍ ସମୟରେ ଶୋଇବାକୁ ଦିଅନ୍ତୁ।
ପରିଷ୍କାର ପରିଚ୍ଛନ୍ନତା: ପିଲାଙ୍କୁ ସବୁ ସମୟରେ ପରିଷ୍କାର ଓ ପରିଚ୍ଛନ୍ନତା ପ୍ରତି ସଚେତନ ରହିବା ଶିଖାନ୍ତୁ। ପ୍ରତିଥର ଖାଇବା ପରେ, ଖେଳିବା ପରେ, ଗୃହପାଳିତ ପଶୁଙ୍କୁ ଛୁଇଁବା ପରେ, ନାକ ସଫା କରିବା ପରେ, ଟଏଲେଟ୍ରୁ ଆସିବା ପରେ ଭଲଭାବେ ସାବୁନରେ ହାତ ଧୋଇବାକୁ କୁହନ୍ତୁ। ପରିଷ୍କାର ପରିଚ୍ଛନ୍ନ ପୋଷାକ ପିନ୍ଧିବାକୁ ଦିଅନ୍ତୁ। ଫଳରେ ସେମାନଙ୍କର ଇନଫେକସନ୍ ହେବ ନାହିଁ।
ହର୍ବାଲ ଜିନିଷ: ପିଲାମାନଙ୍କୁ ତୁଳସୀ, ଅଁଳା, ମହୁ, ଗୋଲମରିଚ, ଅଦା ଆଦି ବିଭିନ୍ନ ହର୍ବାଲ ଜିନିଷ ଖାଇବା ଶିଖାନ୍ତୁ। ସେମାନଙ୍କର ଇମ୍ୟୁନ ସିଷ୍ଟମ ଭଲ ରହିବ।
