କରୋନାର ଦ୍ୱିତୀୟ ଲହର ଏବେ ପିଲାମାନଙ୍କ ପାଇଁ ବେଶି କ୍ଷତିକାରକ ବୋଲି ଜଣାପଡ଼ିଛି। କମ୍ ଇମ୍ୟୁନିଟି ଥିବା ପିଲାମାନେ ଖୁବ୍ଶୀଘ୍ର କରୋନା ଭାଇରସ୍ ଦ୍ୱାରା ସଂକ୍ରମିତ ହୋଇଯିବେ। ତେଣୁ ମା’ମାନେ ପିଲାମାନଙ୍କର ଇମ୍ୟୁନିଟି ବଢ଼ାଇବାକୁ ନିଜକୁ ପ୍ରସ୍ତୁତ କରନ୍ତୁ।
ପିଲାମାନଙ୍କୁ ସୁଷମ ଖାଦ୍ୟ ଦିଅନ୍ତୁ। ପ୍ରୋଟିନ, ମିନେରାଲ, ଭିଟାମିନ୍, ସୂକ୍ଷ୍ମ ପୋଷକ ତତ୍ତ୍ୱ ଏବଂ ଅନସାଚୁରେଟେଡ୍ ଫ୍ୟାଟ୍ ଭଳି ସମସ୍ତ ଉପାଦାନ ଥିବା ବିଭିନ୍ନ ପ୍ରକାରର ଖାଦ୍ୟ ପିଲାଙ୍କୁ ଦିଅନ୍ତୁ। ତେଣୁ ଖଟା ଫଳ, ଗାଜର, ଶାଗ, ବିନ୍ସ, ଷ୍ଟ୍ରବେରୀ, ଦହି, ରସୁଣ ଓ ଅଦା ଭଳି ବିଭିନ୍ନ ଖାଦ୍ୟକୁ ସେମାନଙ୍କ ତାଲିକାରେ ସାମିଲ କରନ୍ତୁ।
ପିଲାଙ୍କୁ ଭରପୂର ମାତ୍ରାରେ ଶୋଇବାକୁ ଦିଅନ୍ତୁ। ଫଳରେ ସେମାନଙ୍କର ଇମ୍ୟୁନିଟି ସିଷ୍ଟମ ଠିକ୍ ରହିବ। ଶରୀର ସୁସ୍ଥ ରହିବ ଏବଂ ଥକାପଣ ଦୂର ହେବ।
ପ୍ରତିଥର ଖାଇବା ପୂର୍ବରୁ ଏବଂ ପରେ, ଖେଳିବା ପରେ, ଗୃହପାଳିତ ଜୀବଜନ୍ତୁଙ୍କୁ ଛୁଇଁବା ପରେ, ନାକ ସଫା କରିବା ପରେ, ଟଏଲେଟ୍ରୁ ଆସିବା ପରେ ଭଲଭାବେ ହାତ ଧୋଇବା ସହିତ ସ୍ବଚ୍ଛତାକୁ ଆପଣାନ୍ତୁ। ଫଳରେ ପିଲାଙ୍କର ଇନଫେକସନ୍ କମ୍ ହେବା ସହିତ ରୋଗ ପ୍ରତିରୋଧ ହୋଇପାରିବ।
ପିଲାଙ୍କୁ ଅଧିକ ପରିମାଣରେ ଆୟୁର୍ବେଦିକ ଜିନିଷ ଅଧିକ ଖାଇବାକୁ ଦିଅନ୍ତୁ। ତୁଳସୀ, ଅଁଳା, ମହୁ, ଗୋଲମରିଚ ଆଦି ନିଶ୍ଚୟ ଖୁଆନ୍ତୁ।