ଭୁବନେଶ୍ୱର,୧୩।୭(ଅନୁରାଧା ମହାରଣା): ଦେଶରେ ଶିଳ୍ପ ଉତ୍ପାଦନର ଗତି ବୃଦ୍ଧି ପାଇଛି। ମେ ୨୦୨୪ ପାଇଁ ଘୋଷିତ ତଥ୍ୟ ଅନୁଯାୟୀ, ଇଣ୍ଡଷ୍ଟ୍ରିଆଲ ପ୍ରଡକ୍ସନ ଇଣ୍ଡେକ୍ସ (ଆଇଆଇପି) ୫.୯ ପ୍ରତିଶତ ହାରରେ ବୃଦ୍ଧି ପାଇଛି। ଖଣି ଏବଂ ବିଦ୍ୟୁତ୍ କ୍ଷେତ୍ର ଉତ୍ପାଦନରେ ଉତ୍କୃଷ୍ଟ ଅଭିବୃଦ୍ଧି ହେତୁ ଶିଳ୍ପ ଉତ୍ପାଦନ ହାରରେ ଏହି ବୃଦ୍ଧି ଦେଖାଦେଇଛି।ଏପ୍ରିଲରେ ଔଦ୍ୟୋଗିକ ଉତ୍ପାଦନ ୫ ପ୍ରତିଶତ ହାରରେ ବୃଦ୍ଧି ପାଇଥିଲା। ୨୦୨୩ ମେ’ରେ, ୫.୭ ପ୍ରତିଶତ ଆଇଆଇପି ଅଭିବୃଦ୍ଧି ହାର ଦେଖାଯାଇଥିଲା। ଏହା କ୍ରମାଗତ ଚତୁର୍ଥ ମାସ ଯେତେବେଳେ ଶିଳ୍ପ ଉତ୍ପାଦନର ସୂଚକାଙ୍କ ୫.୭ ପ୍ରତିଶତରୁ ଅଧିକ ହାରରେ ବୃଦ୍ଧି ପାଇଛି। ୨୦୨୪-୨୫ ଆର୍ଥିକ ବର୍ଷର ପ୍ରଥମ ୨ମାସରେ ହାରାହାରି ଅଭିବୃଦ୍ଧି ୫.୪ ପ୍ରତିଶତ ହୋଇଛି। ପରିସଂଖ୍ୟାନ ମନ୍ତ୍ରଣାଳୟ ଖୁଚୁରା ମୁଦ୍ରାସ୍ଫୀତି ହାର ସହ ଆଇଆଇପି ତଥ୍ୟ ମଧ୍ୟ ପ୍ରକାଶ କରିଛି। ଏହି ପରିସଂଖ୍ୟାନ ଅନୁଯାୟୀ, ମେ ମାସରେ ବିଦ୍ୟୁତ୍ ଉତ୍ପାଦନ ୧୩.୭ ପ୍ରତିଶତ ହାରରେ ବୃଦ୍ଧି ପାଇଛି, ଯାହାକି ଏକ ବର୍ଷ ପୂର୍ବେ ସମାନ ମାସରେ ୦.୯ ପ୍ରତିଶତ ହାରରେ ବୃଦ୍ଧି ପାଇଛି।