ନୂଆଦିଲ୍ଲୀ,୨୨।୧୨: ଆସନ୍ତା ସପ୍ତାହରୁ ଆରମ୍ଭ ହେବାକୁ ଯାଉଛି ଭାରତ ଓ ଘରୋଇ ଦକ୍ଷିଣ ଆଫ୍ରିକା ମଧ୍ୟରେ ଟେଷ୍ଟ ଓ ଦିନିକିଆ ସିରିଜ୍। ଯଦି ସିରିଜ୍ ବେଳେ କୌଣସି ଖେଳାଳି କିମ୍ବା ସପୋର୍ଟ ଷ୍ଟାଫ ପଜିଟିଭ ଚିହ୍ନଟ ହୁଅନ୍ତି, ତେବେ ମଧ୍ୟ ସିରିଜ୍ ବାତିଲ ହେବ ନାହିଁ। ମିଳିତ ଭାବେ ଏଭଳି ନିଷ୍ପତ୍ତି ନେଇଛନ୍ତି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଓ କ୍ରିକେଟ ସାଉଥ ଆଫ୍ରିକା (ସିଏସ୍ଏ)। କୌଣସି ଦଳର କ୍ୟାମ୍ପରେ କରୋନା ପ୍ରବେଶ କଲେ, କେବଳ ସଂକ୍ରମିତ ସଦସ୍ୟଙ୍କୁ ଆସୋସଲେଶନରେ ରଖାଯିବ। ଯାହା ଫଳରେ ସିରିଜ୍ ପ୍ରଭାବିତ ହେବ ନାହିଁ।
ଟେଷ୍ଟ ସିରିଜ ପ୍ରଥମ ମ୍ୟାଚ୍ ଡିସେମ୍ବର ୨୬ରୁ ସେଞ୍ଜୁରିଅନରେ ଆରମ୍ଭ ହେବ। ସେହିପରି ଜୋହାନ୍ସବର୍ଗରେ ଜାନୁୟାରୀ ୩ରୁ ୭ ତାରିଖ ମଧ୍ୟରେ ଦ୍ୱିତୀୟ ଟେଷ୍ଟ ଓ ଜାନୁୟାରୀ ୧୧ରୁ ୧୫ ମଧ୍ୟରେ କେପ୍ଟାଉନ୍ରେ ତୃତୀୟ ତଥା ଅନ୍ତିମ ଟେଷ୍ଟ ମ୍ୟାଚ୍ ଖେଳାଯିବ। ଟେଷ୍ଟ ସିରିଜ ପରେ ଜାନୁୟାରୀ ୧୯, ୨୧ ଓ ୨୩ ତାରିଖରେ ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ଟେଷ୍ଟ ମ୍ୟାଚ ଆୟୋଜନ ହେବ। ମୋଡିକାଲ ପ୍ରୋଟୋକଲ ନେଇ ସିଏସ୍ଏ ଓ ବିସିସିଆଇ ମଧ୍ୟ ସହମତି ପ୍ରକାଶ ପାଇଛି। ଖେଳାଳି, ସପୋର୍ଟ ଷ୍ଟାଫ୍ଙ୍କ ସମେତ ବାୟୋ ବବଲର ଅଂଶବିଶେଷ ଥିବା ସବୁ ବ୍ୟକ୍ତିଙ୍କ ଟୀକାକରଣ ହେବ। ଯଦି କୌଣସି ଖେଳାଳି ସଂକ୍ରମିତ ହୁଅନ୍ତି ତେବେ ସେମାନଙ୍କ ଟମ୍ ଡାକ୍ତର ତାଙ୍କର ଚକିତ୍ସା କରିବେ। ପ୍ରତ୍ୟେକ ଖେଳାଳିଙ୍କ ପ୍ରତିଦିନ କୋଭିଡ ଟେଷ୍ଟ ହେବ ଓ ସିମ୍ପଟମ ସ୍କ୍ରିନିଂର ସମ୍ମୁଖୀନ ହେବେ ବୋଲି ସେ କହିଛନ୍ତି। ପ୍ରତିଦିନ ରାପିଡ୍ ଆଣ୍ଟିଜେନ ଟେଷ୍ଟ କରାଯିବ। ଏ ନେଇ ଉଭୟ ଦଳ ତରଫର ସମ୍ମତି ପ୍ରକାଶ କରାଯାଇଛି।