ଟିମ ଇଣ୍ଡିଆର ଅଲରାଉଣ୍ଡର ରବିନ୍ଦ୍ର ଜାଡେଜା ଅଭ୍ୟାସ ଆରମ୍ଭ କରିଛନ୍ତି। ସେ ବ୍ୟାୟାମ କରୁଥିବା ଏକ ଭିଡିଓ ଶେୟାର କରିଛନ୍ତି । ଟୁଇଟରରେ ଏହି ଭିଡିଓ ସେୟାର କରିବାବେଳେ ଜାଡେଜା ଶୀଘ୍ର ସୁସ୍ଥ ହେଉଥିବା କହିଛନ୍ତି। ଆହତ କାରଣରୁ ଜାଡେଜା ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଏବଂ ତୃତୀୟ ଟି -୨୦ ମ୍ୟାଚ ଖେଳିପାରି ନ ଥିଲେ। ପ୍ରଥମ ଟି -୨୦ରେ ମ୍ୟାଚ ସମୟରେ ଜାଡେଜା ମୁଣ୍ଡରେ ଆଘାତ ପାଇଥିଲେ। ପରେ ଜାଡେଜା ପୁରା ସିରିଜରୁ ବାଦ ପଡିଥିଲେ। ତାଙ୍କ ସ୍ଥାନରେ ଶାର୍ଦ୍ଦୁଲ ଠାକୁରଙ୍କୁ ଦଳରେ ସ୍ଥାନ ଦିଆଯାଇଥିଲା। ବିସିସିଆଇ ଏହା ପୂର୍ବରୁ ଟୁଇଟ କରି କହିଛି ଯେ ବିସିସିଆଇ ଡାକ୍ତରୀ ଦଳ ଜାଡେଜାଙ୍କ ଅବସ୍ଥା ଉପରେ ନଜର ରଖିଛନ୍ତି।ତେବେ ପରେ ବିସିସିଆଇ କହିଛି ଯେ, ଜାଡେଜା ମେଡିକାଲ ଦଳର ତତ୍ତ୍ୱାବଧାନରେ ଅଛନ୍ତି। ତାଙ୍କର କିଛି ଗୁରୁତ୍ୱପୂର୍ଣ୍ଣ ସ୍କାନ କରିବାକୁ ହେବ। ରବୀନ୍ଦ୍ର ଜାଡେଜା ଅଷ୍ଟ୍ରେଲିଆ ବିପକ୍ଷ ଚାରି ଟେଷ୍ଟ ସିରିଜର ଏକ ଅଂଶ। ପ୍ରଥମ ଟେଷ୍ଟ ଆଡିଲେଡରେ ଖେଳାଯିବ। ଏହାପୂର୍ବରୁ ଜାଡେଜା ସୁସ୍ଥ ହେବା ଦଳ ପାଇଁ ଖୁସି ଖବର।
Recovery going well 🔋✌️#trainingmode pic.twitter.com/DcVkpr0kHY
— Ravindrasinh jadeja (@imjadeja) December 14, 2020
