ବ୍ରିସବେନ୍, ୨୧।୧: ଅଷ୍ଟ୍ରେଲିଆକୁ ଧରାଶାୟୀ କରି ଐତିହାସିକ ବିଜୟ ହାସଲ କରିଥିବା ଭାରତୀୟ ଦଳକୁ ଚାରିଆଡୁ ଶୁଭେଚ୍ଛା ମିଳିଛି। ଏହି ସମୟରେ ଅଷ୍ଟ୍ରେଲିଆର ଓପନର ଡେଭିଡ୍ ଓ୍ବାର୍ନର ଭାରତୀୟ ଦଳକୁ ପ୍ରଶଂସାରେ ପୋତି ପକାଇଛନ୍ତି। ତାଙ୍କର ଏକ ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଓ୍ବାର୍ନର ଇନ୍ଷ୍ଟାଗ୍ରାମରେ ଏକ ପୋଷ୍ଟ ଶେୟାର କରି ଲେଖିଛନ୍ତି, ଆମେ ଏମିତି ଫଳାଫଳ ପସନ୍ଦ କରୁନାହଁୁ କିନ୍ତୁ ବିଜୟର ଶ୍ରେୟ ଭାରତୀୟ ଦଳକୁ ଯାଉଛି। ଭାରତୀୟ ଦଳ ଚମତ୍କାର ଖେଳିଛି ବୋଲି ସେ କହିଛନ୍ତି। ଆମେ ଆମ ସର୍ବଶ୍ରେଷ୍ଠ ପ୍ରଦର୍ଶନ କଲୁ କିନ୍ତୁ ସଫଳତା ମିଳିପାରିଲା ନାହିଁି। ପ୍ୟାଟ୍ କମିନ୍ସ ଭଲ ଖେଳି ମ୍ୟାନ୍ ଅଫ୍ ଦ ସିରିଜ୍ ହେଲେ। ଆଗାମୀ ଦକ୍ଷିଣ ଆଫ୍ରିକା ଗସ୍ତ ଉପରେ ଦଳ ଧ୍ୟାନ ଦେବ ଏବଂ ବିଶ୍ୱ ଚାମ୍ପିୟନ୍ଶିପ୍ ଦୌଡରେ ରହିବ ବୋଲି ଓ୍ବାର୍ନର କହିଛନ୍ତି। ଏହାସହ ସେ ଟେଷ୍ଟ କ୍ରିକେଟର୍କୁ ପ୍ରଶଂସା କରିଛନ୍ତି, ଏଥିରେ ଖେଳାଳିଙ୍କ ମାନସିକ ଦୃଢତା ଜଣାପଡେ ବୋଲି ସେ କହିଛନ୍ତି। ଓ୍ବାର୍ନରଙ୍କ ଏହି ପୋଷ୍ଟ ଦ୍ୱାରା ପ୍ରଶଂସକଙ୍କ ହୃଦୟ ଜିତିଛନ୍ତି। ଓ୍ବାର୍ନର ଜଣେ ପ୍ରକୃତ କ୍ରିକେଟର୍ ବୋଲି ସେମାନେ ମତ ଦେଇଛନ୍ତି।
