ନୂଆଦିଲ୍ଲୀ,୧୯।୧୧: ସୁପର ସଣ୍ଡେରେ ହେବ ଫାଇନାଲ ଫାଇଟ। ଏଥିପାଇଁ ଇଣ୍ଡିଆର ଟିମ୍ ୧୧ ସମେତ ପିଚ୍, ଷ୍ଟାଡିୟମ ଓ ୧୪୦କୋଟି ଲୋକ ପ୍ରସ୍ତୁତ। ଘଣ୍ଟା କଣ୍ଟା କେତେବେଳେ ୨ଟା ବାଜିବ ସମେସ୍ତେ ଅପେକ୍ଷା କରି ରହିଛନ୍ତି। ଦେଶର ପ୍ରତିଟି କୋଣରୁ ଟିମ ଇଣ୍ଡିଆ ପାଇଁ ଶୁଭେଚ୍ଛାର ସୁଅ ଛୁଟୁଛି। ତେବେ ମ୍ୟାଚ ପୂର୍ବରୁ ଟିମ ଇଣ୍ଡିଆ ସହ ଜଡିତ ବିଭିନ୍ନ ଜିନିଷ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଯାହା ଲୋକଙ୍କ ଦୃଷ୍ଟି ଆକର୍ଷଣ କରୁଛି।
ବର୍ତ୍ତମାନ ଟିମ ଇଣ୍ଡିଆକୁ ନେଇ ନିର୍ମିିତ ଏକ ଗୀତ ସୋସିଆଲ ମିଡିଆରେ ଟ୍ରେଣ୍ଡ କରୁଛି।
ବିଶ୍ୱକପକୁ ନେଇ ସବୁଠି କ୍ରେଜ ଦେଖିବାକୁ ମିଳୁଥିବାବେଳେ ଗୀତକୁ ନେଇ ଚର୍ଚ୍ଚା ଜୋର ଧରିଛି। ଭିଡିଓରେ ଦେଖାଯାଇଛି କି, ଗୀତଟିକୁ ଏକ ଗ୍ରୁପ ଭଜନ ଶୈଳୀରେ ବୋଲୁଛନ୍ତି। ଗ୍ରୁପରେ ସୁଫି ଗାୟକ ୱାଜାହତ ହାସନ ମଧ୍ୟ ଅଛନ୍ତି, ଯାହାଙ୍କ କୱାଲୀ ଲୋକଙ୍କ ହୃଦୟକୁ ଛୁଇଁଥାଏ। ୱାଜାହତଙ୍କ ଲୋକପ୍ରିୟ ଗୀତ ରାମ ଆଏଙ୍ଗେ ତୋ ଆଙ୍ଗନ ସଜାଏଙ୍ଗେ ନିକଟରେ ଖୁବ ଲୋକପ୍ରିୟ ହୋଇଛି। ଭାରତୀୟ କ୍ରିକେଟ ଦଳରେ ନିର୍ମିତ ଏହି ଗୀତଟି ଭଜନ ଲିରିକ୍ସରେ ବୋଲାଯାଇଛି।
ଗାୟକ ୱାଜାହତ ନିଜ ଇନଷ୍ଟାଗ୍ରାମ ଆକାଉଣ୍ଟରୁ ଗୀତଟିକୁ ଶେୟାର କରିଛନ୍ତି। ଏପର୍ଯ୍ୟନ୍ତ ୨୭ ମିଲିୟନରୁ ଅଧିକ ଅର୍ଥାତ ୨.୭ କୋଟି ଥର ଦେଖାଯାଇଥିବାବେଳେ ୨ ମିଲିୟନ ଅର୍ଥାତ ୨୦ଲକ୍ଷରୁ ଅଧିକ ଲୋକ ଏହି ଭିଡିଓକୁ ଲାଇକ କରିଛନ୍ତି ଏବଂ ବିଭିନ୍ନ ପ୍ରକାରର ପ୍ରତିକ୍ରିୟା ମଧ୍ୟ ରଖିଛନ୍ତି।