ବିଶାଖାପାଟନମ୍,୩।୨: ଭାରତୀୟ ଦଳର ତାରକା ଯୁବ ବ୍ୟାଟର୍ ଯଶସ୍ବୀ ଜସୱାଲ ବିଶାଖାପାଟନମ୍ ଟେଷ୍ଟରେ ବହୁତ ଭଲ ପ୍ରଦର୍ଶନ କରିଛନ୍ତି। ଏହି ମ୍ୟାଚରେ ସେ ଇଂରାଜୀ ବୋଲରମାନଙ୍କୁ ପରାସ୍ତ କରି ନିଜ ଟେଷ୍ଟ କ୍ୟାରିୟରର ପ୍ରଥମ ଡବଲ ଶତକ ସ୍କୋର କରିବାରେ ସଫଳ ହୋଇଛନ୍ତି। ଯଶସ୍ବୀ ମ୍ୟାଚର ଦ୍ୱିତୀୟ ଦିନରେ ନିଜର ଦ୍ୱିଶତକ ପୂରଣ କରିଛନ୍ତି।
ପ୍ରଥମ ଇନିଂସରେ ୩୯୬ ରନ ସ୍କୋର କରି ଟିମ ଇଣ୍ଡିଆ ଆଉଟ ହୋଇଛି। ଏହି ସମୟରେ ଯଶସ୍ବୀ ଦ୍ୱିଶତକ ହାସଲ କରିଛନ୍ତି। ସେ ୧୯ ଚୌକା ଓ ୭ ଛକା ସହାୟତାରେ ୨୦୯ ରନ ସ୍କୋର କରିଛନ୍ତି। ଶୁବମନ ଗିଲ ୩୪, ରଜତ ପାଟିଦାର ୩୨, ରୋହିତ ଶର୍ମା ୧୪ ଏବଂ ୨୭ ରନ ସ୍କୋର କରିବା ପରେ ଅକ୍ଷାର ପଟେଲ ଆଉଟ ହୋଇଥିଲେ।
ଇଂଲଣ୍ଡ ପାଇଁ ଜେମ୍ସ ଆଣ୍ଡରସନ, ରେହାନ ଅହମ୍ମଦ ଏବଂ ଶୋଏବ ବଶୀର ପ୍ରତ୍ୟେକ ୩ଟି ଉଇକେଟ୍ ନେଇଥିବା ବେଳେ ଟମ ହାର୍ଟଲି ଗୋଟିଏ ଉଇକେଟ୍ ନେଇଛନ୍ତି।