ମୁମ୍ବାଇ,୩।୧୧: ଭାରତ-ନ୍ୟୁଜିଲାଣ୍ଡ ମଧ୍ୟରେ ଖେଳାଯାଉଥିବା ଟେଷ୍ଟ ସିରିଜର ୩ ମୁକାବିଲା ଜାରି ରହିଛି। ମ୍ୟାଚ୍ରେ ନ୍ୟୁଜିଲାଣ୍ଡ ୨ୟ ଇନିଂସରେ ୧୪୬ରନ୍ରେ ଅଲଆଉଟ୍ ହୋଇଛି। ଫଳରେ ଭାରତକୁ ଜିତିବା ଲାଗି ୧୪୭ ରନ୍ର ଟାର୍ଗେଟ ମିଳିଛି। ଭାରତ ପକ୍ଷରୁ ରବିନ୍ଦ୍ର ଜାଡେଜାଙ୍କୁ ୫ ଉଇକେଟ ମିଳିଛି। ପ୍ରଥମ ଇନିଂସରେ ମଧ୍ୟ ସେ ୫ ଉଇକେଟ ନେଇଥିଲେ। ତେବେ ଟିମ୍ ଇଣ୍ଡିଆ ଯଦି ଓ୍ବାଙ୍ଖଡେ ଷ୍ଟାଡିୟମରେ ଏହି ଲକ୍ଷ୍ୟକୁ ହାସଲ କରିନିଏ ତେବେ ଏହା ଦ୍ୱିତୀୟ ସଫଳ ଚେସ୍ ହେବ।
ପ୍ରକାଶ ଯେ, ନ୍ୟୁଜିଲାଣ୍ଡ ବିପକ୍ଷ ସିରିଜରେ ଭାରତ ୨-୦ରେ ପଛୁଆ ରହିଛି। ଏମିତିରେ ଦଳ ମୁମ୍ବାଇ ଟେଷ୍ଟ ଜିତି ବିଶ୍ୱ ଟେଷ୍ଟ ଚାମ୍ପିୟନଶିପ୍ ଖେଳିବା ଆଶାକୁ ଉଜ୍ଜିବିତ ରଖିବାକୁ ଚାହୁଁଛି। ଅପରପକ୍ଷେ ନ୍ୟୁଜିଲାଣ୍ଡ ମଧ୍ୟ ଏହାକୁ ଜିତି କ୍ଲିନ୍ ସୁଇପ୍ କରିବାକୁ ଆଶା ରଖିଛି।
