ଜୋହାନ୍ସବର୍ଗ,୧୪।୧୨: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ ବିଶିଷ୍ଟ ଟି -୨୦ ସିରିଜ୍ର ତୃତୀୟ ତଥା ଶେଷ ମ୍ୟାଚ ଗୁରୁବାର ଜୋହାନ୍ସବର୍ଗର ୱାଣ୍ଡର୍ସ ଷ୍ଟାଡିୟମରେ ଖେଳାଯାଉଛି। ଦକ୍ଷିଣ ଆଫ୍ରିକାର ଅଧିନାୟକ ଆଡେନ ମାର୍କ୍ରୋମ୍ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିବା ବେଳେ ଆମନ୍ତ୍ରଣ ପାଇ ଭାରତ ବ୍ୟାଟିଂ କରିବାକୁ ପଡିଆକୁ ଓହ୍ଲାଇଛି। ଦ୍ୱିତୀୟ ମ୍ୟାଚ ଜିତି ଆଫ୍ରିକୀୟ ଦଳ ସିରିଜ୍ରେ ୧-୦ରେ ଆଗୁଆ ରହିଛି। ବର୍ଷା ହେତୁ ପ୍ରଥମ ମ୍ୟାଚ ବାତିଲ ହୋଇଥିଲା। ଏବେ ଡ୍ର’ରେ ସିରିଜ୍ ଶେଷ କରିବାକୁ ଭାରତ ନଜର ରଖିଛି।