ନୂଆଦିଲ୍ଲୀ, ୨୦।୭: ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ତ୍ରିନିଦାଦରେ ଖେଳାଯିବ। ଏଥିପାଇଁ ୱେଷ୍ଟଇଣ୍ଡିଜ ଟସ ଜିତିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଏହି ମ୍ୟାଚ ପାଇଁ ପ୍ଲେ-୧୧ରେ ଭାରତ ପରିବର୍ତ୍ତନ କରିଛି। ଟିମ ଇଣ୍ଡିଆ ମୁକେଶ କୁମାରଙ୍କୁ ସୁଯୋଗ ଦେଇଛି। ମୁକେଶ ଭାରତ ପାଇଁ ଡେବ୍ୟୁ ଟେଷ୍ଟ ମ୍ୟାଚ ଖେଳିବେ। ଘରୋଇ ମ୍ୟାଚରେ ସେ ଏପର୍ଯ୍ୟନ୍ତ ଭଲ ପ୍ରଦର୍ଶନ କରିଛନ୍ତି। ମୁକେଶ ଇଣ୍ଡିଆନ ପ୍ରିମିୟର ଲିଗରେ ମଧ୍ୟ ଖେଳିଛନ୍ତି।
ଟସ୍ ପରେ ଭାରତୀୟ ଅଧିନାୟକ ରୋହିତ ଶର୍ମା କହିଛନ୍ତି ଯେ, ମୁକେଶ ଡେବ୍ୟୁ କରିବେ। ସେ କହିଛନ୍ତି, ଶାର୍ଦ୍ଦୁଲ ଠାକୁର ଫିଟ୍ ନୁହଁନ୍ତି। ମୁକେଶ କୁମାର ଡେବ୍ୟୁ କରିବାକୁ ଯାଉଛନ୍ତି। ସେ ଘରୋଇ କ୍ରିକେଟରେ କଠିନ ପରିଶ୍ରମ କରିଛନ୍ତି। ଭାରତରେ କ୍ରିକେଟ ବୋର୍ଡ ଅଫ କଣ୍ଟ୍ରୋଲ ଟୁଇଟ କରି ମୁକେଶଙ୍କୁ ଅଭିନନ୍ଦନ ଜଣାଇଛି। ମୁକେଶଙ୍କ ଫଟୋ ଶେୟାର କରିବା ସହିତ ବୋର୍ଡ କ୍ୟାପଶନ ଲେଖିଛି, ମୁକେଶ କୁମାରଙ୍କୁ ଅଭିନନ୍ଦନ। ସେ ଟିମ ଇଣ୍ଡିଆ ପାଇଁ ଟେଷ୍ଟ ଡେବ୍ୟୁ କରିବାକୁ ପ୍ରସ୍ତୁତ ଅଛନ୍ତି।