ସେ ଆସନ୍ତାବର୍ଷ ତାଙ୍କ ଘରେ ତ୍ରିରଙ୍ଗା ଉଡାଇବେ: ପ୍ରଧାନମନ୍ତ୍ରୀଙ୍କ ଭବିଷ୍ୟବାଣୀ ଉପରେ ଖାର୍ଗେଙ୍କ ଜବାବ

ନୂଆଦିଲ୍ଲୀ,୧୫।୮: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ମଙ୍ଗଳବାର ଦାବି କରିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ବର୍ଷ ଲାଲ କିଲାରୁ ନୁହେଁ ତାଙ୍କ ଘରେ ପତାକା ଉଡାଇବେ। ୭୭ତମ ସ୍ବାଧୀନତା ଦିବସରେ ପ୍ରଧାନମନ୍ତ୍ରୀ ମୋଦି ୨୦୨୪ ଲୋକ ସଭା ନିର୍ବାଚନରେ ବିଜୟର ପୂର୍ବାନୁମାନ କରିଥିଲେ ଏବଂ କହିଥିଲେ ଯେ ସେ ଆସନ୍ତା ବର୍ଷ ଏହି ଲାଲ କିଲାରୁ ପୁଣି ପତାକା ଉଡାଇବେ। ମଲ୍ଲିକାର୍ଜୁନ ଖାର୍ଗେ ତାଙ୍କ ବୟାନ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି।

୭୭ତମ ସ୍ବାଧୀନତା ଦିବସରେ ରେଡ ଦୁର୍ଗରେ ଆୟୋଜିତ କାର୍ଯ୍ୟକ୍ରମରେ ମଲ୍ଲିକାର୍ଜୁନ ଖାର୍ଗେ ଯୋଗ ଦେଇନଥିଲେ। ତାଙ୍କ ଚେୟାର ସେଠାରେ ଖାଲି ରହିଥିଲା। ଏହି କାର୍ଯ୍ୟକ୍ରମରେ ତାଙ୍କର ଅନୁପସ୍ଥିତିକୁ ନେଇ ପ୍ରଶ୍ନ ଉଠିଥିବା ବେଳେ ମଲ୍ଲିକାର୍ଜୁନ ଖାର୍ଗେ କହିଥିଲେ ଯେ, ତାଙ୍କୁ ତାଙ୍କ କାର୍ଯ୍ୟାଳୟରେ ପତାକା ଉତ୍ତୋଳନ କରିବାକୁ ଥିଲା। ଯଦି ସେ ଲାଲ କିଲାକୁ ଯାଇଥାନ୍ତେ , ତାହାଲେ ତାଙ୍କର କାର୍ଯ୍ୟାଳୟରେ ପତାକା ଉଡିପାରିନଥାନ୍ତା।