ସିଡନୀ,୯।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ୪ଟିକିଆ ଟେଷ୍ଟ ସିରିଜ୍ର ପ୍ରଥମ ମ୍ୟାଚ୍ ୧୭ରୁ ୨୧ ଡିସେମ୍ବରରୁ ଆରମ୍ଭ ହେବ। ଏହାପୂର୍ବରୁ ଅଷ୍ଟ୍ରେଲିଆ ବିପକ୍ଷରେ ଭାରତ ଆଉ ଗୋଟେିଏ ଅଭ୍ୟାସ ମ୍ୟାଚ୍ ଖେଳିବ। ଏହି ଅଭ୍ୟାସ ମ୍ୟାଚ୍ରେ ଭାରତୀୟ ଅଧିନାୟକ ବିରାଟ କୋହଲି ଖେଳିବେ କି ନାହିଁ ତାହା ସନ୍ଦେହ ରହିଛି। ଅଷ୍ଟ୍ରେଲିଆ ବିପକ୍ଷ ଶେଷ ଟି-୨୦ ମ୍ୟାଚ୍ ପରେ ଏକ ଖବରଦାତା ସମ୍ମିଳନୀରେ ତାଙ୍କ ଅଭ୍ୟାସ ମ୍ୟାଚ୍ ଖେଳିବା ବିଷୟରେ ପ୍ରଶ୍ନ କରାଯାଇଥିଲା। ଏହାର ଉତ୍ତରରେ କୋହଲି କହିଥିଳେ, ମୁଁ କାଲି ସକାଳୁ ଉଠି ଦେଖିବି, ଅଭ୍ୟାସ ମ୍ୟାଚ୍ ଖେଳି ପାରିବି କି ନାହିଁ। ଅଭ୍ୟାସ ମ୍ୟାଚ୍ ଖେଳିବା ନ ଖେଳିବା ମୋ ହାତରେ ନାହିଁ, କିନ୍ତୁ ମୁଁ ସମ୍ପୂର୍ଣ୍ଣ ମ୍ୟାଚ୍ ଖେଳିବାକୁ ଚାହୁଁଛି ବୋଲି ବିରାଟ କହିଥିଲେ। ଏଥିରୁ ଜଣାପଡୁଛି ସେ ଅଭ୍ୟାସ ମ୍ୟାଚ୍ ଖେଳିବେ ନାହିଁ। ସୂଚନାଯୋଗ୍ୟ, କୋହଲି ପ୍ରଥମ ଟେଷ୍ଟ ମ୍ୟାଚ୍ ଖେଳି ସ୍ବଦେଶ ପ୍ରତ୍ୟାବର୍ତ୍ତନ କରିବେ। କାରଣ ଆସନ୍ତା ଜାନୁୟାରୀରେ ସେ ପ୍ରଥମଥର ପାଇଁ ପିତା ହେବାକୁ ଯାଉଛନ୍ତି। ଏହି ସମୟରେ ସେ ସ୍ତ୍ରୀ ଅନୁଷ୍କାଙ୍କ ସହ ରହିବାକୁ ନିଷ୍ପତି ନେଇଛନ୍ତି।