ନୂଆଦିଲ୍ଲୀ,୪।୬: ଲୋକ ସଭା ନିର୍ବାଚନ ୨୦୨୪ ପାଇଁ ଗଣନା ଜାରି ରହିଛି । ଟ୍ରେଣ୍ଡ ଅନୁଯାୟୀ, ଶାସକ ଏନଡିଏ ମିଳିତ ମଞ୍ଚକୁ ଇଣ୍ଡିଆ ମିଳିତ ମଞ୍ଚ ଏକ କଡା ଟକ୍କର ଦେଉଛି। ପ୍ରାରମ୍ଭିକ ଟ୍ରେଣ୍ଡରେ, ଏନଡିଏ ନିଶ୍ଚିତ ଭାବରେ ସଂଖ୍ୟାଗରିଷ୍ଠତା ହାସଲ କରୁଥିବା ପରି ମନେହୁଏ କିନ୍ତୁ ବିରୋଧୀ ଦଳ ମଧ୍ୟ ଏକ ଦୃଢ ପ୍ରତ୍ୟାବର୍ତ୍ତନ କରୁଥିବା ଜଣାପଡିଛି। ଇଣ୍ଡିଆ ସହଯୋଗୀ ଦଳ ସାଢେ ୯ଟା ସୁଦ୍ଧା ୨୦୦ ଅତିକ୍ରମ କରିଛି।
ସୂଚନାଯୋଗ୍ୟ, କଡା ସୁରକ୍ଷା ସହିତ ସମସ୍ତ ଗଣନା କେନ୍ଦ୍ରରେ ସିସିଟିଭି କ୍ୟାମେରା ମଧ୍ୟ ବ୍ୟବସ୍ଥା କରାଯାଇଛି। ଭୋଟ ଗଣିବା ସମୟରେ ଇଭିଏମ ଏବଂ ଭିଭିପିଏଟ ଉପରେ ନଜର ରଖାଯାଉଛି। ମୋଟ ୫୪୩ ଲୋକ ସଭା ଆସନ ମଧ୍ୟରୁ ବର୍ତ୍ତମାନ ପର୍ଯ୍ୟନ୍ତ ଏନଡିଓ ୩୦୦ ପାର୍ କରିଥିବା ବେଳେ ବିରୋଧୀ ଇଣ୍ଡିଆ ମେଣ୍ଟ ବି ୨୦୦ରୁ ଅଧିକ ଆସନରେ ଆଗରେ ରହିଛି।