ନୂଆଦିଲ୍ଲୀ,୩୦।୬: ଆମ ଆଦମୀ ପାର୍ଟି (ଏଏପି) ଅଭିଯୋଗ କରିଛି ଯେ କେନ୍ଦ୍ର ସରକାରଙ୍କ ପ୍ରମୁଖ ଅନୁସନ୍ଧାନକାରୀ ସଂସ୍ଥା ଖୋଲାଖୋଲି ଭାବେ ଦେଶର ସର୍ବୋଚ୍ଚ ନ୍ୟାୟାଳୟକୁ ବିଭ୍ରାନ୍ତ କରୁଛନ୍ତି। ଦଳର ବରିଷ୍ଠ ନେତା ତଥା ରାଜ୍ୟ ସଭା ସଦସ୍ୟ ସଞ୍ଜୟ ସିଂ ରବିବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ସୋମବାର ଇଣ୍ଡିଆ ମେଣ୍ଟର ସମସ୍ତ ସଦସ୍ୟ ସଂସଦ କମ୍ପ୍ଲେକ୍ସରେ ଇଡି-ସିବିଆଇ ବିରୋଧରେ ବିରୋଧ କରିବେ।
ସଞ୍ଜୟ ସିଂ କହିଛନ୍ତି ଯେ ସିଏମ ଅରବିନ୍ଦ କେଜରିୱାଲଙ୍କୁ ନିର୍ଦ୍ଦୋଷ ଘୋଷଣା କରି ଟ୍ରାଏଲ କୋର୍ଟ ଜାମିନ ପ୍ରଦାନ କରିଛନ୍ତି, କିନ୍ତୁ ଇଡି ହାଇକୋର୍ଟ ଯାଇ ଏହାକୁ ସ୍ଥଗିତ ରଖିଛନ୍ତି। ଏହା ପରେ କେଜରିୱାଲ ସୁପ୍ରିମକୋର୍ଟରୁ ଜାମିନ ପାଇବାକୁ ନିଶ୍ଚିତ ଥିଲେ, ତା’ପରେ ମୋଦି ସରକାର ସିବିଆଇ ପଠାଇ ତାଙ୍କୁ ଗିରଫ କରିଥିଲେ। ଜୁନ ୪ରେ ନିଜେ ସିବିଆଇ ସୁପ୍ରିମକୋର୍ଟଙ୍କୁ କହିଛି ଯେ ଏହାର ତଦନ୍ତ ଶେଷ ହୋଇଛି।