ଢାକା/ନୂଆଦିଲ୍ଲୀ,୩।୧: ଭାରତ ଗୁରୁବାର ୯୦ ବାଂଲାଦେଶୀ ମତ୍ସ୍ୟଜୀବୀଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଛି। ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ଏକ ପ୍ରେସ ବିଜ୍ଞପ୍ତି ଜାରି କରାଯାଇଛି ଯେ ଭାରତ ୯୦ ବାଂଲାଦେଶୀ ମତ୍ସ୍ୟଜୀବୀଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଛି। ଏହି ପଦକ୍ଷେପ ଭାରତ ଏବଂ ବାଂଲାଦେଶ ମଧ୍ୟରେ ମତ୍ସ୍ୟଜୀବୀଙ୍କ ପାରସ୍ପରିକ ମୁକ୍ତି ଏବଂ ପ୍ରତ୍ୟର୍ପଣ ପ୍ରକ୍ରିୟାର ଏକ ଅଂଶ।
ମନ୍ତ୍ରଣାଳୟ ଦ୍ୱାରା ଜାରି ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ଗତ କିଛି ମାସ ମଧ୍ୟରେ ଅନେକ ଭାରତୀୟ ମତ୍ସ୍ୟଜୀବୀଙ୍କୁ ବାଂଲାଦେଶ କର୍ତ୍ତୃପକ୍ଷ ଗିରଫ କରିଥିଲେ। ଯେତେବେଳେ ସେମାନେ ଆନ୍ତର୍ଜାତୀୟ ସାମୁଦ୍ରିକ ସୀମା ଅତିକ୍ରମ କରି ବାଂଲାଦେଶ ଜଳକ୍ଷେତ୍ରକୁ ଭୁଲରେ ପଶିଯାଇଥିଲେ। ସେହିଭଳି ଅନେକ ବାଂଲାଦେଶୀ ମତ୍ସ୍ୟଜୀବୀଙ୍କୁ ମଧ୍ୟ ସମାନ କାରଣରୁ ଭାରତୀୟ କର୍ତ୍ତୃପକ୍ଷ ଗିରଫ କରିଛନ୍ତି। ଭାରତୀୟ ମତ୍ସ୍ୟଜୀବୀଙ୍କ ସୁରକ୍ଷା, କଲ୍ୟାଣ ପାଇଁ ଭାରତ ସରକାର ସର୍ବାଧିକ ଗୁରୁତ୍ୱ ଦେଉଛନ୍ତି ଏବଂ ଏହି ପରିପ୍ରେକ୍ଷୀରେ ଭାରତୀୟ ମତ୍ସ୍ୟଜୀବୀଙ୍କୁ ବାଂଲାଦେଶୀ ହେପାଜତରୁ ମୁକ୍ତ କରିବାକୁ ସରକାର କଠିନ ପରିଶ୍ରମ କରିଛନ୍ତି।
ପ୍ରକାଶ ଯେ, ଗୁରୁବାର ୯୫ ଜଣ ଭାରତୀୟ ମତ୍ସ୍ୟଜୀବୀଙ୍କୁ ବାଂଲାଦେଶ କୋଷ୍ଟଗାର୍ଡକୁ ବାଂଲାଦେଶ କର୍ତ୍ତୃପକ୍ଷ ହସ୍ତାନ୍ତର କରିଛନ୍ତି। ସେହି ଦିନ ପାରସ୍ପରିକ ମୁକ୍ତି ଏବଂ ପ୍ରତ୍ୟର୍ପଣ କାର୍ଯ୍ୟର ଏକ ଅଂଶ ଭାବରେ ୯୦ ବାଂଲାଦେଶୀ ମତ୍ସ୍ୟଜୀବୀଙ୍କୁ ଭାରତୀୟ ଏବଂ ବାଂଲାଦେଶୀ ତଟରକ୍ଷୀ ବାହିନୀ ମଧ୍ୟ ସମୁଦ୍ରରେ ମୁକ୍ତ କରିବେ।
