ନାମପେହ୍ନ,୧୨।୧୧ : ଉପରାଷ୍ଟ୍ରପତି ଜଗଦୀପ ଧନକର ଏସିଆ-ଭାରତ ଶିଖର ସମ୍ମିଳନୀରେ ଯୋଗଦେବା ପାଇଁ କାମ୍ବୋଡିଆର ରାଜଧାନୀ ନାମପେହ୍ନରେ ଭିଏତନାମର ପ୍ରଧାନମନ୍ତ୍ରୀ ଫାମ ମିନି ସାଇନଙ୍କ ସହିତ ଦ୍ୱିପାକ୍ଷିକ ବୈଠକରେ ଯୋଗଦେଇଛନ୍ତି। ଏହା ପରେ ଜାରି ହୋଇଥିବା ମିଳିତ ବିବୃତ୍ତିରେ ଉଭୟ ପକ୍ଷ ଅପରାଧ, ଆତଙ୍କବାଦ ଏବଂ ସୁରକ୍ଷା ତଥା ଅନ୍ୟାନ୍ୟ କ୍ଷେତ୍ରରେ ମିଳିତ ଭାବେ କାର୍ଯ୍ୟ କରିବାକୁ ଘୋଷଣା କରିଛନ୍ତି।
ଭାରତ-ଏସିଆନ ଶିଖର ସମ୍ମିଳନୀ ପରେ ଜାରି କରାଯାଇଥିବା ବିସ୍ତୃତ ରଣନୀତିକ ଭାଗିଦାରୀ ଉପରେ ମିଳିତ ବିବୃତ୍ତିରେ କୁହାଯାଇଛି ଯେ ଅନ୍ତର୍ଜାତୀୟ ଅର୍ଥନୈତିକ ଅପରାଧ ତଥା ମନି ଲଣ୍ଡରିଂ, ସାଇବର ଅପରାଧ, ଡ୍ରଗ୍ସ ଏବଂ ମାନବ ଚାଲାଣ, ଅସ୍ତ୍ରଶସ୍ତ୍ର ଚୋରା ଚାଲାଣ ଆଦି ବିରୋଧରେ ସହଯୋଗ ବୃଦ୍ଧି କରାଯିବ। ଏହା ସହିତ ଭାରତ-ପ୍ରଶାନ୍ତ ମହାସାଗରରେ ଶାନ୍ତି, ସ୍ଥିରତା, ସାମୁଦ୍ରିକ ସୁରକ୍ଷା ଏବଂ ନିରାପତ୍ତା, ନାଭିଗେଶନ ସ୍ବାଧୀନତା ଏବଂ ଓଭରଫ୍ଲାଇଟ ବଜାୟ ରଖିବା ଏବଂ ବିବାଦର ଶାନ୍ତିପୂର୍ଣ୍ଣ ସମାଧାନ ପାଇଁ ଘୋଷଣା କରାଯାଇଛି।
