ଜୋହର (ମାଲେସିଆ),୨୯ା୧୦ (ପି.ଟି.): ସୁଲ୍ତାନ ଅଫ୍ ଜୋହର କପ୍ ହକି ଟୁର୍ନାମେଣ୍ଟର ଫାଇନାଲ ଶନିବାର ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯିବ। ରାଉଣ୍ଡ ରବିନ ଲିଗ୍ ପର୍ଯ୍ୟାୟ ଶେଷ ପରେ ଟେବୁଲରେ ଅଷ୍ଟ୍ରେଲିଆ ପ୍ରଥମ ଏବଂ ଭାରତ ଦ୍ୱିତୀୟ ସ୍ଥାନରେ ରହି ଫାଇନାଲ ପାଇଁ ଯୋଗ୍ୟତା ହାସଲ କରିଛନ୍ତି। ଭାରତୀୟ ଜୁନିୟର ପୁରୁଷ ହକି ଟିମ୍ ଶୁକ୍ରବାର ଏହାର ଅନ୍ତିମ ରାଉଣ୍ଡ ରବିନ ଲିଗ୍ ମ୍ୟାଚ୍କୁ ୫-୫ ଗୋଲ୍ରେ ଡ୍ର ରଖି ଥିଲା। ଦଳ ତରଫରୁ ପୁଭାନା ସି.ବି (୭ମ ମିନିଟ), ଅମନଦୀପ (୫୦ତମ), ଅରାଇଜିତ୍ ସିଂ ହୁଣ୍ଡାଲ (୫୩ତମ) ଓ ଶାରଦା ନନ୍ଦ ତିଓ୍ବାରୀ (୫୬ ଓ ୫୮ତମ) ପ୍ରମୁଖ ଗୋଲ ଦେଇଥିଲେ। ଗ୍ରେଟ୍ ବ୍ରିଟେନ ତରଫରୁ ମାକ୍ସ ଆଣ୍ଡରସନ (୧ମ, ୪୦ତମ), ହାରିସନ ଷ୍ଟୋନ୍ (୪୨ତମ) ଓ ଜାମି ଗୋଲେ୍ଡନ (୫୪ତମ ଓ ୫୬ତମ) ଗୋଲ ସ୍କୋର କରିଥିଲେ। ଅନ୍ୟପକ୍ଷରେ ଅଷ୍ଟ୍ରେଲିଆ ଶୁକ୍ରବାର ଦକ୍ଷିଣ ଆଫ୍ରିକାକୁ ୬-୧ ଗୋଲରେ ହରାଇ ଦେଇଛି। ରାଉଣ୍ଡ ରବିନ ଲିଗ୍ରେ ଭାରତ ୫ ମ୍ୟାଚରୁ ୮ ପଏଣ୍ଟ ଅର୍ଜନ କରିଥିବା ବେଳେ ଅଷ୍ଟ୍ରେଲିଆ ୫ଟି ଗେମ୍ରୁ ୧୩ ପଏଣ୍ଟଅର୍ଜନ କରିଛି। ଗ୍ରେଟ୍ ବ୍ରିଟେନ ଓ ଜାପାନ ପ୍ରତ୍ୟେକ ୭ ପଏଣ୍ଟ ସହ ସେମାନଙ୍କ ଅଭିଯାନ ଶେଷ କରିଥିବା ବେଳେ ଦକ୍ଷିଣ ଆଫ୍ରିକା ୬ ପଏଣ୍ଟ ସଂଗ୍ରହ କରିଥିଲା। ୬ଟି ଦଳକୁ ନେଇ ଟେବୁଲରେ ମାଲେସିଆ ଏକ ପଏଣ୍ଟ ସହ ଅନ୍ତିମ ସ୍ଥାନରେ ରହିଛି।
