ଲଣ୍ଡନ,୩୦।୬:‘ଗ୍ଲୋବାଲ ଇଣ୍ଡିଆନ ଆଇକନ ଅଫ ଦି ଇୟର’ ଆୱାର୍ଡରେ ସମ୍ମାନିତ ହେଲେ ବକ୍ସର ମେରି କମ। ଦକ୍ଷିଣ-ପୂର୍ବ ଇଂଲଣ୍ଡର ୱିଣ୍ଡସରରେ ବାର୍ଷିକ ୟୁକେ-ଇଣ୍ଡିଆ ଆଓ୍ବାର୍ଡ ସମାରୋହରେ ସମ୍ମାନିତ ହୋଇଛନ୍ତି ଭାରତର ଅଲିମ୍ପିକ ପଦକ ବିଜେତା ମହିଳା ବକ୍ସର ମେରି କମ। ଭାରତର ଉଚ୍ଚାୟୁକ୍ତ ବିକ୍ରମ ଦୋରାଇସ୍ବାମୀଙ୍କ ଦ୍ୱାରା ସେ ସମ୍ମାନିତ ହୋଇଛନ୍ତି।
ପୁରସ୍କାର ଗ୍ରହଣବେଳେ ମେରି ତାଙ୍କର ୨୦ ବର୍ଷର ପରିଶ୍ରମ ଏବଂ ବକ୍ସିଂ ପାଇଁ ଉତ୍ସର୍ଗୀକୃତ ଜୀବନ ବିଷୟରେ କହିଛନ୍ତି। ତାଙ୍କର ବକ୍ସି ପାଇଁ ପ୍ରତିଟି ପୁରସ୍କାରକୁ ସେ ଦେଶ ପାଇଁ ଉତ୍ସଗୀକୃତ କରିଛନ୍ତି ବୋଲି କହିଛନ୍ତି।