ନୂଆଦିଲ୍ଲୀ,୧୨।୨ :ଗ୍ଲୋବାଲ ଜୈବ ଇନ୍ଧନ ଆଲାଏନ୍ସ ଗଠନ ପାଇଁ ଭାରତ, ବ୍ରାଜିଲ ଏବଂ ଆମେରିକା ମିଳିତ ଭାବେ କାର୍ଯ୍ୟ କରିବେ। ଆସନ୍ତା କିଛି ମାସ ମଧ୍ୟରେ ଭାରତ, ବ୍ରାଜିଲ ଏବଂ ଆମେରିକା ମିଳିତ ଭାବେ ଗ୍ଲୋବାଲ ଜୈବ ଇନ୍ଧନ ଆଲାଏନ୍ସ (ଜିବିଏ) ଗଠନ କରିବେ।
ଜି -୨୦ର ଭାରତର ଅଧ୍ୟକ୍ଷତାରେ ସମସ୍ତ ଆଗ୍ରହୀ ଦଳ ସହିତ ଜିବିଏ ଗଠନ ଏକ ପ୍ରମୁଖ ପ୍ରାଥମିକତା। ଏହି ତିନୋଟି ଦେଶ ଜୈବ ଇନ୍ଧନର ଅଗ୍ରଣୀ ଉତ୍ପାଦକ ଏବଂ ଗ୍ରାହକ ଅଟନ୍ତି।
ସରକାରୀ ବିବୃତ୍ତିରେ କୁହାଯାଇଛି ଯେ ଏହି ମିଳିତ ମଞ୍ଚ ସଦସ୍ୟ ଦେଶମାନଙ୍କ ମଧ୍ୟରେ ସହଯୋଗକୁ ସୁଗମ କରିବା ଏବଂ ପରିବହନ ସମେତ ସ୍ଥାୟୀ ଜୈବ ଇନ୍ଧନର ବ୍ୟବହାରକୁ ତ୍ୱରାନ୍ବିତ କରିବାକୁ ଲକ୍ଷ୍ୟ ରଖିଛି। ଏହା ବଜାରକୁ ମଜବୁତ କରିବା, ବିଶ୍ୱର ଜୈବ ଇନ୍ଧନ ବାଣିଜ୍ୟକୁ ସୁଗମ କରିବା, ଏକ ସହଭାଗୀ ସୁଦୃଢ଼ ନୀତି ସୃଷ୍ଟି କରିବା ଏବଂ ବିଶ୍ୱର ଜାତୀୟ ଜୈବ ଇନ୍ଧନ କାର୍ଯ୍ୟକ୍ରମ ପାଇଁ ବୈଷୟିକ ସହାୟତା ପ୍ରଦାନ ଉପରେ ଧ୍ୟାନ ଦେବ।