ନୂଆଦିଲ୍ଲୀ, ୧୧।୯ : ସେପ୍ଟେମ୍ବର ୧୫-୧୬ ରେ ଉଜବେକିସ୍ତାନର ସମରକନ୍ଦରେ ଅନୁଷ୍ଠିତ ହେବାକୁ ଥିବା ସାଂଘାଇ ସହଯୋଗ ସଂଗଠନ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଂଶଗ୍ରହଣ କରିବେ। ଏହା ଦ୍ୱାରା ଭାରତ-ଚାଇନା ସମ୍ପର୍କରେ ସୁଧାର ଆସିବ ବୋଲି ଅନ୍ତର୍ଜାତୀୟସ୍ତରରେ ଚର୍ଚ୍ଚା ହେଉଛି।
ଏହାପୂର୍ବରୁ ଜୁନ ୨୦୧୯ ରେ କିର୍ଗିଜସ୍ତାନରେ ପ୍ରଧାନମନ୍ତ୍ରୀ ମୋଦି ସାଂଘାଇ ସହଯୋଗ ସଂଗଠନର ବୈଠକରେ ଭର୍ଚୁଆଲ ମାଧ୍ୟମରେ ଅଂଶ ଗ୍ରହଣ କରିଥିଲେ। ସୂଚନାନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେପ୍ଟେମ୍ବର ୧୪ରେ ସମରକନ୍ଦରେ ପହଞ୍ଚି ୧୬ ସେପ୍ଟେମ୍ବରରେ ଭାରତ ଫେରିବେ। ସାଂଘାଇ ସହଯୋଗ ସଂଗଠନ (ଏସସିଓ) ବୈଠକରେ ଭାରତର ଉପସ୍ଥିତି ମଧ୍ୟ ଗୁରୁତ୍ୱପୂର୍ଣ୍ଣ।
କାରଣ ପରବର୍ତ୍ତୀ ସମୟରେ ନୂଆଦିଲ୍ଲୀ ଏହାକୁ ଆୟୋଜନ କରାଯିବ। ରୁଷିଆ, ଚାଇନା ଏବଂ ପାକିସ୍ଥାନର ମୁଖ୍ୟମାନେ ଭାରତରେ ଅନୁଷ୍ଠିତ ହେବାକୁଥିବା ବୈଠକରେ ଅଂଶଗ୍ରହଣ କରିବେ।
ସମରକନ୍ଦରେ ଏହା ମଧ୍ୟ ଆଶା କରାଯାଉଛି ଯେ ଭ୍ଲାଦିମିର ପୁଟିନଙ୍କ ଏବଂ ଶି ଜିନପିଙ୍ଗଙ୍କ ସହ ମୋଦି ପୃଥକ ଆଲୋଚନା କରିବାର ସମ୍ଭାବନା ଥିବା କୁହାଯାଉଛି। ବିଶେଷକରି ରୁଷିଆ-ଚାଇନା ସହିତ ମିଳିତ ସାମରିକ ଅଭ୍ୟାସ ଏବଂ ଏଲଏସିର ବିବାଦୀୟ ସ୍ଥାନରୁ ପିଏଲଏ ସୈନ୍ୟ ପ୍ରତ୍ୟାହାର ପରେ ଏହି ବୈଠକ ନେଇ ସମ୍ପର୍କରେ ସୁଧାର ଆଶା ରହିଛି।
