ନୂଆଦିଲ୍ଲୀ,୨୩।୧୦: ୟୁଏଇ ଏବଂ ଓମାନରେ ଚାଲିଥିବା ଟି-୨୦ ବିଶ୍ୱକପ୍ରେ ନିଜ ଅଭିଯାନ ଆରମ୍ଭ କରିବା ପୂର୍ବରୁ ଭାରତ ସହ ଥିବା ୪ ଖେଳାଳି ସ୍ବଦେଶ ଫେରି ଆସିଛନ୍ତି। ସେମାନେ ହେଲେ କରନ ଶର୍ମା, କ୍ରିଷ୍ଣାପ୍ପା ଗୌତମ, ଭେଙ୍କଟେଶ ଆୟାର, ଶହବାଜ ଅହମଦ। ଭାରତରେ ସୟିଦ ମୁସ୍ତାକ ଅଲୀ ଟ୍ରଫିରେ ଏହି ୪ ଖେଳାଳି ନିଜ ନିଜ ରାଜ୍ୟ ପକ୍ଷରୁ ଖେଳିବେ। ଏଥିପାଇଁ ସେମାନେ ବିଶ୍ୱକପ୍ ଆରମ୍ଭ ହେବା ପୂର୍ବରୁ ଫେରି ଆସିଛନ୍ତି।
ତେବେ ନଭେମ୍ବର ୪ରୁ ସୟିଦ ମୁସ୍ତାକ ଅଲୀ ଟ୍ରଫି ଆରମ୍ଭ ହେବ। ଅପରପକ୍ଷେ ବିଶ୍ୱକପ୍ ଟୁର୍ନାମେଣ୍ଟ ଆରମ୍ଭ ହେବା ପରେ ଟିମ୍କୁ ଅଧିକ ନେଟ୍ ସେକ୍ସନ ମିଳିବ ନାହିଁ। ଏଣୁ ସ୍ପିନ ବୋଲର୍ଙ୍କ ଆବଶ୍ୟକତା ନାହିଁ। ଏଥିପାଇଁ ୪ ସ୍ପିନରଙ୍କୁ ଟ୍ରଫିରେ ଭାଗ ନେବାକୁ କୁହାଯାଇଛି। ଏହାଦ୍ୱାରା ସେମାନେ ଲାଭବାନ ହେବେ। ସେମାନେ ଅଭ୍ୟାସ କରିବାକୁ ପର୍ଯ୍ୟାପ୍ତ ସମୟ ପାଇବେ ବୋଲି ବିସିସିଆଇର ଜଣେ ଅଧିକାରୀ କହିଛନ୍ତି।
ପ୍ରକାଶ ଯେ, ଭାରତ ରବିବାରଠାରୁ ପାକିସ୍ତାନ ବିପକ୍ଷରେ ବିଶ୍ୱକପ୍ ଅଭିଯାନ ଆରମ୍ଭ କରିବ। ଏହାପୂର୍ବରୁ ଦଳ ଦୁଇଟି ଅଭ୍ୟାସ ମ୍ୟାଚ୍ ଖେଳିଥିଲା। ଦୁଇଟିଯାକରେ ଦଳ ବିଜେତା ହୋଇଛି।