ଭୁବନେଶ୍ୱର,୨୧।୧୨: ରାଜ୍ୟର ପ୍ରମୁଖ ଶିଳ୍ପସଂସ୍ଥା ଇମ୍ପାର ସହଯୋଗୀ ଅନୁଷ୍ଠାନ ବଂଶୀଧର ଏବଂ ଇଲା ପଣ୍ଡା ଫାଉଣ୍ଡେଶନ(ବିଆଇପିଏଫ୍)କୁ ନିକଟରେ ଇଣ୍ଡିଆ ସିଏସ୍ଆର୍ ଆଓ୍ବାର୍ଡ ପ୍ରଦାନ କରାଯାଇଛି। ବିଶେଷକରି ବିଆଇପିଏଫ୍ ତା’ର କାର୍ଯ୍ୟକ୍ଷେତ୍ରର ପାରିପାର୍ଶି୍ବକ ଅଞ୍ଚଳରେ ସ୍ବାସ୍ଥ୍ୟ, ଶିକ୍ଷା ଏବଂ ଜୀବିକାର ଉନ୍ନତି ପାଇଁ ବ୍ୟାପକ ସହଯୋଗୀ ଭାବେ କାର୍ଯ୍ୟ ନିର୍ବାହ କରିଥିବାରୁ ଅନୁଷ୍ଠାନକୁ ଉପରୋକ୍ତ ପୁରସ୍କାର ମିଳିଥିବା ଜଣାପଡ଼ିଛି। ଏପରିକି ନୂଆଦିଲ୍ଲୀଠାରେ ଅନୁଷ୍ଠିତ ୧୩ତମ ସିଏସ୍ଆର୍ ଲିଡରଶିପ୍ ସମିଟ୍-୨୦୨୨ କାର୍ଯ୍ୟକ୍ରମରେ ବିଆଇପିଏଫ୍କୁ ସିଏସ୍ଆର୍ ବିଜେତା ଭାବେ ପୁରସ୍କୃତ କରାଯାଇଛି। ଏହି ପରିପ୍ରେକ୍ଷୀରେ ପୂର୍ବତନ ଏମ୍ପି ଆର୍.କେ. ସିଂହ ଏବଂ କର୍ନାଟକର ଅତିରିକ୍ତ ମୁଖ୍ୟ ସଚିବ ଡ. ଶାଲିନୀ ରଜନୀଶଙ୍କ ଅନୁଗ୍ରହରେ ବିଆଇପିଏଫ୍ର ଉପସଭାପତି ଅଶୋକ ବେହେରା ଉକ୍ତ ପୁରସ୍କାର ଗ୍ରହଣ କରିଛନ୍ତି। ସେହିଭଳି ଉକ୍ତ ପୁରସ୍କାରଗୁଡ଼ିକ ସମ୍ପ୍ରଦାୟର ବିକାଶ ଏବଂ ସିଏସ୍ଆର କାର୍ଯ୍ୟକଳାପ ପାଇଁ ଦେଶର ବିଭିନ୍ନ ଶିଳ୍ପ ଅନୁଷ୍ଠାନର ଶ୍ରେଷ୍ଠ ଅବଦାନକାରୀଙ୍କୁ ଇଣ୍ଡିଆ ସିଏସ୍ଆର ନେଟ୍ୱର୍କ ଦ୍ୱାରା ପ୍ରତିବର୍ଷ ପ୍ରଦାନ କରାଯାଇଥାଏ।