ନୂଆଦିଲ୍ଲୀ,୨୧ ।୧୨: ଆକାଶ ମାର୍ଗରେ ଆକ୍ରମଣ ଆଶଙ୍କା କରି ଦେଶ ତା’ର ପ୍ରଥମ ଏୟାର ଡିଫେନ୍ସ ସିଷ୍ଟମକୁ ପଞ୍ଜାବ ସୀମାରେ ନିୟୋଜିତ କରିଛି । ଭାରତୀୟ ବାହୁସେନା ରୁଷିଆ ଠାରୁ ମିଳିଥିବା ଏସ୍-୪୦୦ ଏୟାର ଡିଫେନ୍ସ ମିଜାଇଲ ସିଷ୍ଟମର ପ୍ରଥମ ସ୍କାଡନକୁ ପଞ୍ଜାବ ସୀମାରେ ମୁତୟନ କରିଛି । ବିଶେଷ ସୂତ୍ରରୁ ଏହି ସୂଚନା ମିଳିଛି । ଚାଇନା-ପାକିସ୍ତାନ ମଧ୍ୟରେ ଆକାଶ ମାର୍ଗରେ ଆକ୍ରମଣ ଆଶଙ୍କା କରି ଦେଶ ଏହି ନିଷ୍ପତ୍ତି ନେଇଛି । ଚଳିତ ମାସ ଆରମ୍ଭରେ ରୁଷିଆ ମିଜାଇଲ ସିଷ୍ଟମର ପାର୍ଟସ ଭାରତ ପହଞ୍ଚିବା ଆରମ୍ଭ କରିଛି । ଆଉ କିଛି ସପ୍ତାହ ମଧ୍ୟରେ ୟୁନିଟ ସମ୍ପୂର୍ଣ୍ଣ ଭାବେ କାର୍ଯ୍ୟକ୍ଷମ ହୋଇଯିବ । ପ୍ରଥମ ସ୍କାର୍ଡନ ମୁତୟନ ହେବା ପରେ ଏୟାରଫୋର୍ସ ପୂର୍ବୋତ୍ତର ସୀମା ଉପରେ ଫୋକସ କରିବ ଓ ସାରା ଦେଶର ସେନାଙ୍କୁ ପ୍ରଶିକ୍ଷଣ ଦିଆଯିବ । ସୂଚନାଯୋଗ୍ୟ, ଭାରତୀୟ ବାୟୁସେନାର ଅଧିକାରୀ ଓ କର୍ମଚାରୀ ରୁଷିଆରେ ଏହି ସିଷ୍ଟମର ପ୍ରଶିକ୍ଷଣ ନେଇ ସାରିଛନ୍ତି । ଏହି ଏୟାର ଡିଫେନ୍ସ ସିଷ୍ଟମରେ ଶତ୍ରୁକୁ ଆକାଶ ମାର୍ଗରେ ଓ କ୍ରୁଜ ମିଜାଇଲକୁ ଆକାଶରେ ୪୦୦ କିଲୋମିଟର ମଧ୍ୟରେ ନଷ୍ଟ କରିବାର କ୍ଷମତା ରଖିଛି । ଏଥିରେ ୪ଟି ଭିନ୍ନ ଭିନ୍ନ ମିଜାଇଲ ଲାଗିଛି । ଯେଉଁଥିରେ ଶତ୍ରୁର ଜାହାଜ, ବାଲେଷ୍ଟିକ ମିଜାଇଲ, ଏଡବ୍ଲୁଏସିଏସ୍ ଜାହାଜକୁ ୪୦୦ କିଲୋମିଟର, ୨୫୦ କିଲୋମିଟର, ମିଡିୟମ ରେଞ୍ଜ ୧୨୦ କିଲୋମିଟର ଓ ୪୦ କିଲୋମିଟର ସର୍ଟ ରେଞ୍ଜ ମଧ୍ୟରେ ବ୍ୟବହାର କରାଯାଇପାରିବ ।
