ନୂଆଦିଲ୍ଲୀ,୩୧ ।୧୨: ଆତଙ୍କବାଦ ପ୍ରସଙ୍ଗରେ ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କର ପୁଣିଥରେ ପାକିସ୍ତାନକୁ ଟାର୍ଗେଟ କରିଛନ୍ତି । ପାକିସ୍ତାନ ଉପରେ ଆକ୍ରମଣ କରି ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଶୁକ୍ରବାର କହିଛନ୍ତି ଯେ, ଭାରତକୁ ଆଲୋଚନା ଟେବୁଲକୁ ଆଣିବାକୁ ଆତଙ୍କବାଦକୁ ଅସ୍ତ୍ରଭାବେ ବ୍ୟବହାର କରାଯାଇ ପାରିବନାହିଁ । ସାଇପ୍ରସ ଗସ୍ତ ସମୟରେ ଭାରତୀୟ ବିଦେଶିମାନଙ୍କ ସହ କଥାବାର୍ତ୍ତା ବେଳେ ଜୟଶଙ୍କର କହିଛନ୍ତି ଯେ ଯେଉଁମାନେ ଆତଙ୍କବାଦକୁ ଅସ୍ତ୍ର କରିବାକୁ ଚାହୁଁଛନ୍ତି ସେମାନେ ଭୁଲ ବୁଝାମଣାରେ ରହିବା ଉଚିତ ନୁହେଁ । ବୈଦେଶିକ ମନ୍ତ୍ରୀ କହିଛନ୍ତି ଆମେ ସମସ୍ତଙ୍କ ସହ ଭଲ ପଡୋଶୀ ସମ୍ପର୍କ ଚାହୁଁ କିନ୍ତୁ ଆତଙ୍କବାଦ ହେତୁ ଭଲ ପଡୋଶୀ ସମ୍ପର୍କ ନାହିଁ ।
