ଥରୁଭାନନ୍ତପୁରମ,୭।୩ : ଭାରତ ଏବଂ ଫ୍ରାନ୍ସ ସୈନ୍ୟବାହିନୀ ମଧ୍ୟରେ ପ୍ରଥମ ମିଳିତ ସମରାଭ୍ୟାସ ମଙ୍ଗଳବାର କେରଳର ଥିରୁଭାନନ୍ତପୁରମରେ ଆରମ୍ଭ ହୋଇଛି। ମିଳିତ ଭାବେ ପରିଚାଳିତ ଏହି ସାମରିକ ଅଭ୍ୟାସର ନାମ ‘ଫ୍ରିନଜେକ୍ସ -୨୩’ ରଖାଯାଇଛି। ଭାରତୀୟ ପ୍ରତିରକ୍ଷା ମନ୍ତ୍ରଣାଳୟ ଅନୁଯାୟୀ, ଫ୍ରାନ୍ସ ସେନା ସହିତ ଏହି ସାମରିକ ଅଭ୍ୟାସ ଦୁଇ ଦିନ ଧରି କେରଳର ଥିରୁଭାନନ୍ତପୁରମର ପାଙ୍ଗୋଡ ମିଲିଟାରୀ ଷ୍ଟେଶନରେ ଅନୁଷ୍ଠିତ ହେଉଛି।
ଏହି ସାମରିକ ଅଭ୍ୟାସ ବିଷୟରେ ପ୍ରତିରକ୍ଷା ମନ୍ତ୍ରଣାଳୟ ସୂଚନା ଦେଇ କହିଛି ଯେ,ଭାରତ ଏବଂ ଫ୍ରାନ୍ସର ସ୍ୟୈବାହିନୀ ମଧ୍ୟରେ ପାରସ୍ପରିକ କାର୍ଯ୍ୟଦକ୍ଷତା, ସମନ୍ବୟ ଏବଂ ସହଯୋଗକୁ ରଣନୀତିକ ସ୍ତରରେ ପ୍ରୋତ୍ସାହିତ କରିବା ଏହାର ଉଦ୍ଦେଶ୍ୟ। ମିଳିତ ମାନବିକ ସହାୟତା ଏବଂ ବିପର୍ଯ୍ୟୟ ପ୍ରଶମନ ସାମରିକ ଅଭ୍ୟାସର କାର୍ଯ୍ୟସୂଚୀରେ ରହିଛି। ଏହା ଅନ୍ତର୍ଗତ ଉଭୟ ଦେଶର ସୈ ନ୍ୟ ଏକସ୍ବେତନ୍ତ୍ର ମିଳିତ କମାଣ୍ଡ ଫୋର୍ସ ଗଠନ କରିବେ। ଏହି କମାଣ୍ଡ ପୋଷ୍ଟ ବିପର୍ଯ୍ୟୟ ପ୍ରଶମନ ଉଦ୍ଦେଶ୍ୟରେ ଧାର୍ଯ୍ୟ ଅଞ୍ଚଳକୁ ସୁରକ୍ଷିତ ରଖିବା ଅଭ୍ୟାସ କରିବେ। ପ୍ରଶିକ୍ଷଣରେ ଅପରେଶନ, ଆଭ୍ୟନ୍ତରୀଣ ବିସ୍ଥାପିତ ଜନସଂଖ୍ୟା ଶିବିର ସ୍ଥାପନ ଏବଂ ବିପର୍ଯ୍ୟୟ ପ୍ରଶମନ ସାମଗ୍ରୀର ପରିବହନ ଆଦି ଅନ୍ତର୍ଭୁକ୍ତ।
