ମାଳଦ୍ୱୀପକୁ ବଡ଼ ଝଟ୍‌କା ଦେଲା ଭାରତ

ନୂଆଦିଲ୍ଲୀ,୨୫।୭: ୨୦୨୪ ବଜେଟରେ ମାଳଦ୍ୱୀପକୁ ଦିଆଯାଇଥିବା ଅନୁଦାନ ସହାୟତା ରାଶିରେ ଭାରତ ସରକାର ଏକ ବଡ଼ ହ୍ରାସ କରିଛନ୍ତି। ଏହା ପରେ ମୁଇଜୁଙ୍କ ଦେଶ ଭାରତରୁ ଅନୁଦାନ ଟଙ୍କା ପାଇବାରେ ତୃତୀୟ ସ୍ଥାନକୁ ଯାଇଛି। ଭାରତ ୨୦୨୪-୨୦୨୫ ବର୍ଷ ପାଇଁ ବଜେଟ ଉପସ୍ଥାପନ କରିଛି। ଏଥିରେ ମାଲଦ୍ୱୀପକୁ ଦିଆଯାଉଥିବା ସହାୟତା ପରିମାଣ ହ୍ରାସ ପାଇଛି। ନିର୍ବାଚନ ପୂର୍ବରୁ ୧ ଫେବୃଆରୀରେ ସଂସଦରେ ଉପସ୍ଥାପିତ ହୋଇଥିବା ବଜେଟରେ ମାଳଦ୍ୱୀପକୁ ୭୨ ମିଲିୟନ ଆମେରିକୀୟ ଡଲାର ସହାୟତା ପ୍ରଦାନ କରାଯାଇଥିଲା।
ମୋଦି ସରକାରଙ୍କ ତୃତୀୟ କାର୍ଯ୍ୟକାଳର ପ୍ରଥମ ବଜେଟରେ ମାଳଦ୍ୱୀପକୁ ଦିଆଯାଇଥିବା ଅନୁଦାନ ପରିମାଣ ମାତ୍ର ୪୮ ନିୟୁତ ଆମେରିକୀୟ ଡଲାରକୁ ହ୍ରାସ କରାଯାଇଛି। ମାଳଦ୍ୱୀପକୁ ସହାୟତା କଟ ମୁଇଜୁଙ୍କ ଚାଇନା ସମର୍ଥକ ନୀତିର ପ୍ରତିକ୍ରିୟା ଭାବରେ ଦେଖାଯାଉଛି। ସଂସଦରେ ପ୍ରସ୍ତାବିତ ପ୍ରାରମ୍ଭିକ ବଜେଟ ଅନୁଯାୟୀ, ଭାରତରୁ ଅନୁଦାନ ପାଇବାରେ ମାଳଦ୍ୱୀପ ଦ୍ୱିତୀୟ ବୃହତ୍ତମ ଦେଶ ହୋଇଥାନ୍ତା, କିନ୍ତୁ ଏଥର ନେପାଳ ଏବଂ ଭୁଟାନକୁ ଭାରତ ସର୍ବାଧିକ ସହାୟତା ଦେବ।
ଗତ ଆର୍ଥିକ ବର୍ଷର ବଜେଟରେ ମାଳଦ୍ୱୀପକୁ ୪୮.୧ ମିଲିୟନ ଆମେରିକୀୟ ଡଲାର ଅନୁଦାନ ଅର୍ଥ ପ୍ରଦାନ କରାଯାଇଥିବାବେଳେ ସଂଶୋଧନ ପରେ ଏହାକୁ ୯୨.୯ ମିଲିୟନ ଡଲାରକୁ ବୃଦ୍ଧି କରାଯାଇଛି। ଗତ ବର୍ଷ ଅନୁଦାନ ସହାୟତା ଆକାରରେ ମାଳଦ୍ୱୀପକୁ ଭାରତ ୨୨ ମିଲିୟନ ଡଲାର ପ୍ରଦାନ କରିଥିଲା।