ନୂଆଦିଲ୍ଲୀ,୨୩।୭: ଭାରତ ଶନିବାର ଏହାର ମିଶ୍ର ଦେଶ ଭିଏତନାମକୁ ଆଇଏନଏସ କୃପାଣ ଉପହାର ଦେଇଛି। ଏହି ଯୁଦ୍ଧ ଜାହାଜ ଭାରତୀୟ ସେନାରେ ୩୨ ବର୍ଷ ପର୍ଯ୍ୟନ୍ତ ସେବା ଯୋଗାଇଛି। ଭିଏତନାମରେ ହୋଇଥିବା ଏକ ସେରିମନିରେ ନୌସେନା ମୁଖ୍ୟ ଆଡମିରାଲ ଆର ହରି କୁମାର ଆଇଏନଏସ କୃପାଣକୁ ଭିଏତନାମର ପିପଲ୍ସ ନାଭିର ଚିଫଙ୍କୁ ଏହା ଉପହାର ସ୍ବରୁପ ଦେଇଛନ୍ତି।
ଏହା କେବଳ ଭାରତ ଏବଂ ଭିଏତନାମ ମଧ୍ୟରେ ଦୃଢ ବନ୍ଧୁତ୍ୱର ପ୍ରମାଣ ନୁହେଁ, ଏହା ଦକ୍ଷିଣ ଚାଇନା ସାଗରରେ ଭିଏତନାମର ଶକ୍ତି ମଧ୍ୟ ବୃଦ୍ଧି କରିବ। କାମ ରନରେ ଆୟୋଜିତ ଏହି ସମାରୋହରେ ଆଡମିରାଲ କୁମାର କହିଛନ୍ତି ଯେ ଭିଏତନାମ ଭାରତର ‘ଇଣ୍ଡୋ-ପାସିଫିକ ଭିଜନ’ରେ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଭାବରେ କାର୍ଯ୍ୟ କରୁଛି, ଯାହା ଏହି ଅଞ୍ଚଳକୁ ସୁରକ୍ଷିତ, ନିରାପଦ ଏବଂ ସ୍ଥିର ରଖିବା ଦିଗରେ ସମ୍ପର୍କକୁ ମଜବୁତ କରିବା ଏବଂ ସହଭାଗିତା ବିକାଶ କରିବାକୁ ଲକ୍ଷ୍ୟ ରଖିଛି।