ନୂଆଦିଲ୍ଲୀ,୨୦ ।୨: କରୋନା ମହାମାରୀକୁ ଦୂରେଇ ଦେବାକୁ ଏବେ ବିଶ୍ୱର ଅଧିକାଂଶ ଦେଶରେ ଚାଲିଛି ଟିକାକରଣ କାର୍ଯ୍ୟକ୍ରମ । ଏହି କ୍ରମରେ ଭାରତରେ ବି ଟିକାକରଣ ଖୁବ୍ ଜୋରରେ ଚାଲିଛି । ମିଳିଥିବା ସୂଚନାରୁ ଜଣାପଡିଛି କି ଗତ ୩୪ ଦିନ ମଧ୍ୟରେ ଦେଶରେ ୧ କୋଟିରୁ ଅଧିକ ଲୋକଙ୍କୁ ଟିକା ଦିଆ ସରିଲାଣି । ଏତେକମ୍ ଦିନ ମଧ୍ୟରେ ଏତେ ଅଧିକ ଲୋକଙ୍କୁ ଟିକା ଦେବା ଦେଶ ମଧ୍ୟରେ ଆମେରିକା ପଛକୁ ରହିଛି ଭାରତ ଅର୍ଥାତ୍ ଟିକାକରଣରେ ଭାରତ ଏବେ ଦ୍ୱିତୀୟ ସ୍ଥାନରେ ରହିଛି । ଆମେରିକାରେ ୧ କୋଟି ଲୋକଙ୍କୁ ଟିକା ଦେକାବୁ ୩୧ ଦିନ ସମୟ ଲାଗିଥିବା ବେଳେ ଭାରତ ଏହାକୁ ୩୪ ଦିନରେ ପୂରଣ କରିଛି । ଜଣେ ବରିଷ୍ଠ ଅଧିକାରୀଙ୍କ ସୂଚନା ଅନୁଯାୟୀ ଭାରତ ୩୪ ଦିନରେ ୧.୦୪ କୋଟି ଲୋକଙ୍କୁ ଟିକା ଦେବାରେ ସଫଳ ହୋଇଛି । ଆଗାମୀ ଦିନରେ ଏହା ଆହୁରି ବଢିବ ବୋଲି ଆଶା କରାଯାଇଛି । ଏବେ ପ୍ରତିଦିନ ପ୍ରାୟ ୧୦ ହଜାର ଟିକାକରଣ କରାଯାଉଥିବା ବେଳେ ଆଗକୁ ଏହା ୪୦-୫୦ ହଜାରକୁ ବୃଦ୍ଧି କରାଯିବାର ଯୋଜନା ରହିଛି ।