ନୂଆଦିଲ୍ଲୀ,୨୩ ।୨: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁଙ୍କୁ ଭାରତ ତା’ର ଆକାଶ ପଥ ବ୍ୟବହାର କରିବାକୁ ଅନୁମତି ପ୍ରଦାନ କରିଛି । ସୂଚନାଯୋଗ୍ୟ, ଇମ୍ରାନ ଖାଁ ମଙ୍ଗଳବାର ନିଜ ମନ୍ତ୍ରିମଣ୍ଡଳର ସହଯୋଗୀ ଓ ଉଚ୍ଚ ସ୍ତରୀୟ ବ୍ୟବସାୟ ପ୍ରତିନିଧି ମଣ୍ଡଳଙ୍କ ସହ ଶ୍ରୀଲଙ୍କା ଗସ୍ତ କରୁଛନ୍ତି । ଆଉ ଏଥିପାଇଁ ସେ ଭାରତର ଆକାଶ ପଥ ବ୍ୟବହାର କରିବାକୁ ପଡିବ । ଭାରତ ବି ତା’ର ଆକାଶ ପଥ ବ୍ୟବହାର କରିବାକୁ ଇମ୍ରାନଙ୍କୁ ଅନୁମତି ପ୍ରଦାନ କରିସାରିଛି । ସୂଚନାଯୋଗ୍ୟ, ଏହାପୂର୍ବରୁ ୨୦୧୯ରେ ପାକିସ୍ତାନ ଜମ୍ମୁ-କଶ୍ମୀରରେ ମାନବାଧିକାର ଉଲ୍ଲଂଘନ ଅଭିଯୋଗ ଆଣି ପ୍ରଧାନମନ୍ତ୍ରୀ ନରେନ୍ଦ ମୋଦିଙ୍କ ସୌଦି ଆରବ ଯାତ୍ରା ସମୟରେ ତା’ର ଆକାଶପଥ ବ୍ୟବହାର କରିବାକୁ ଅନୁମତି ଦେଇ ନ ଥିଲା ।