ନୂଆଦିଲ୍ଲୀ, ୧୨।୧ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ୨୫ ତମ ଜାତୀୟ ଯୁବ ମହୋତ୍ସବକୁ ଉଦ୍ଘାଟନ କରିଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ବିଶ୍ୱ ଏକ ଆଶା, ବିଶ୍ୱାସ ସହିତ ଭାରତକୁ ଦେଖୁଛି। କାରଣ ଭାରତର ଲୋକମାନେ ମଧ୍ୟ ଯୁବକ, ଏବଂ ଭାରତର ମନ ମଧ୍ୟ ଯୁବକ।
ସେ କହିଛନ୍ତି ଯେ ଭାରତ ନିଜର ସାମର୍ଥ୍ୟ ବି ଯୁବା ଏବଂ ସେହିପରି ସ୍ବପ୍ନରେ ମଧ୍ୟ ଯୁବ ସୁଲଭ ହୋଇପାରିଛି। ଏହା ସହିତ ଭାରତ ନିଜର ଚିନ୍ତାଧାରା ଏବଂ ଚେତନାରେ ମଧ୍ୟ ଯୁବା ହୋଇପାରିଛି।
ସେ କହିଛନ୍ତି ଯେ ଡେମୋଗ୍ରାଫିକ ଡିଭିଡେଣ୍ଡ ସହିତ ଭାରତର ଯୁବକମାନଙ୍କ ପାଖରେ ଗଣତାନ୍ତ୍ରିକ ମୂଲ୍ୟବୋଧ ରହିଛି। ସେମାନଙ୍କର ଗଣତାନ୍ତ୍ରିକ ଡିଭିଡେଣ୍ଡ ମଧ୍ୟ ଅତୁଳନୀୟ। ଭାରତ ଏହାର ଯୁବବର୍ଗଙ୍କୁ ଡେମୋଗ୍ରାଫିକ ଡିଭିଡେଣ୍ଡ ସହିତ ଦେଶର ବିକାଶର ଧାରାର ଡ୍ରାଇଭର ଭାବରେ ମଧ୍ୟ ବିବେଚନା କରିଥାଏ।
ପ୍ରଧାନମନ୍ତ୍ରୀ ଭାରତର ଯୁବକମାନଙ୍କ ପାଖରେ ଟେକ୍ନୋଲୋଜିର ଆକର୍ଷଣ ସହିତ ଗଣତନ୍ତ୍ରର ଚେତନା ମଧ୍ୟ ଅଛି। ସେହିପରି ସେମାନଙ୍କ ପାଖରେ ଶ୍ରମର ଶକ୍ତି ସହିତ ଭବିଷ୍ୟତର ସ୍ବଚ୍ଛତା ବି ରହିଛି। ସେଥିପାଇଁ ଆଜି ଭାରତ ଯାହା କହୁଛି, ବିଶ୍ୱ ଏହାକୁ ଆସନ୍ତାକାଲିର ସ୍ବର ବୋଲି ବିବେଚନା କରୁଛି।
ଏହି ଅବସରରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ଜାତୀୟ ଯୁବ ଦିବସର ଶୁଭେଚ୍ଛା ଜଣାଉଛନ୍ତି। ଭାରତ ମାତାର ମହାନ ସନ୍ତାନ ସ୍ବାମୀ ବିବେକାନନ୍ଦଙ୍କୁ ଏହି ଅବସରରେ ପ୍ରଧାନମନ୍ତ୍ରୀ ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି ଯେ, ସ୍ବାଧୀନତାର ଅମୃତ ମହୋତ୍ସବରେ ସ୍ବାମୀଜୀଙ୍କର ଜନ୍ମ ବାର୍ଷିକୀ ଅଧିକ ପ୍ରେରଣାଦାୟକ ହୋଇପାରିଛି।
ସେ କହିଛନ୍ତି ଯେ ଏହି ବର୍ଷ ଭାରତ ଶ୍ରୀ ଅରବିନ୍ଦଙ୍କ ୧୫୦ ତମ ଜନ୍ମ ବାର୍ଷିକୀ ସହିତ ମହାକବି ସୁବ୍ରମଣ୍ୟମ ଭାରତୀଙ୍କ ୧୦୦ ତମ ଜନ୍ମ ବାର୍ଷିକୀ ମଧ୍ୟ ପାଳନ କରୁଛି। ପୁଡୁଚେରୀ ସହିତ ଏହି ଉଭୟ ସାଧୁଙ୍କର ଏକ ବିଶେଷ ସମ୍ପର୍କ ଅଛି। ଉଭୟ ପରସ୍ପରର ସାହିତି୍ୟକ ଏବଂ ଆଧ୍ୟାତ୍ମିକ ଯାତ୍ରାରେ ଅଂଶୀଦାର ହୋଇପାରିଥିଲେ।
ଏହି ଅବସରରେ ପ୍ରଧାନମନ୍ତ୍ରୀ ମାଇକ୍ରୋ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ ମନ୍ତ୍ରଣାଳୟର ଏକ ଟେକ୍ନୋଲୋଜି କେନ୍ଦ୍ରର ଲୋକାର୍ପଣ କରିଛନ୍ତି। ପ୍ରାୟ ୧୨୨ କୋଟି ଟଙ୍କା ବିନିଯୋଗ ସହିତ ପୁଡୁଚେରୀରେ ଏହା ପ୍ରତିଷ୍ଠା କରାଯାଇଛି।
