ଲଣ୍ଡନ,୮।୮: ନଟିଂହାମ ମ୍ୟାଚ ଟେଷ୍ଟ ସିରିଜରେ ଟିମ ଇଣ୍ଡିଆ ଏକ ଭଲ ଆରମ୍ଭ କରିଛି। ରବିବାର ପ୍ରଥମ ଟେଷ୍ଟର ଶେଷ ଦିନରେ ଟିମ ଇଣ୍ଡିଆକୁ ଜିତିବା ପାଇଁ ଆହୁରି ୧୫୭ ରନ ସ୍କୋର କରିବାକୁ ଥିବାବେଳେ ହତରେ ୯ ଉଇକେଟ ବାକି ଅଛି । ଟିମ ଇଣ୍ଡିଆ ପ୍ରଥମ ଇନିଂସରେ ୨୭୮ରନ ଏବଂ ଦ୍ୱିତୀୟ ଇନିଂସରେ ୫୨ ରନ ସଂଗ୍ରହ କରିଛି। ଇଂଲଣ୍ଡ ପ୍ରଥମ ଇନିଂସରେ ୧୮୩ ରନ ଏବଂ ଦ୍ୱିତୀୟ ଇନିଂସରେ ୩୦୩ ରନ ସଂଗ୍ରହ କରି ଭାରତ ଆଗରେ ୨୦୯ ରନ ଲକ୍ଷ୍ୟ ଧାର୍ଯ୍ୟ କରାଯାରିଛି।
ଟିମ ଇଣ୍ଡିଆ ୧୯୩୨ ପରଠାରୁ ଇଂଲଣ୍ଡରେ ଟେଷ୍ଟ ଖେଳୁଛି। ଇଂଲଣ୍ଡରେ ଏହା ହେଉଛି ଦଳର ୬୩ ତମ ଟେଷ୍ଟ। ଦଳ ମାତ୍ର ୭ ଟି ଟେଷ୍ଟ ଜିତିଥିବାବେଳେ ୩୪ ଟି ହାରିଛି। ୨୧ଟି ମ୍ୟାଚ ଡ୍ର ହୋଇଛି। ଟିମ ଇଣ୍ଡିଆ କେବଳ ସିରିଜର ପ୍ରଥମ ଟେଷ୍ଟ ଜିତି ସିରିଜର ଅଗ୍ରଣୀ ନେବାକୁ ଚାହୁଁନାହିଁ, ବରଂ ୮୯ ବର୍ଷର ଏକ ନୂଆ ସଫଳତା ମଧ୍ୟ କରିବାକୁ ଚାହୁଁଛି। ଟିମ ଇଣ୍ଡିଆ ଏପର୍ଯ୍ୟନ୍ତ ଇଂଲଣ୍ଡରେ ୭ଟି ଗ୍ରାଉଣ୍ଡରେ ଟେଷ୍ଟ ମ୍ୟାଚ ଖେଳିଛି, କିନ୍ତୁ କୌଣସି ଗ୍ରାଉଣ୍ଡରେ ଜିତିବାର ରେକର୍ଡ ଭଲ ନୁହେ। ୮୯ ବର୍ଷରେ ପ୍ରଥମ ଥର ପାଇଁ, ଇଂଲଣ୍ଡର ଯେକୌଣସି ଗ୍ରାଉଣ୍ଡରେ ଟେଷ୍ଟରେ ହାରିବା ଅପେକ୍ଷା ଦଳ ଅଧିକ ବିଜୟ ହାସଲ କରିପାରିବ। ଯଦି ଟିମ ଇଣ୍ଡିଆ ପ୍ରଥମ ଟେଷ୍ଟରେ ଜିତେ, ତେବେ ନଟିଂହାମରେ ୮ଟି ମ୍ୟାଚରେ ଏହା ତୃତୀୟ ବିଜୟ ହେବ, ଦଳ ୨ଟି ମ୍ୟାଚରେ ହାରିଛି। ୩ଟି ମ୍ୟାଚ ଡ୍ର ହୋଇଛି। ଅର୍ଥାତ୍ ଏହି ଗ୍ରାଉଣ୍ଡରେ ଦଳ ପରାଜୟ ଅପେକ୍ଷା ଅଧିକ ବିଜୟ ହାସଲ କରିବାର ସୁଯୋଗ ପାଇବ। ଇଂଲଣ୍ଡର ଏଭଳି କୌଣସି ଗ୍ରାଉଣ୍ଡରେ ଟିମ ଇଣ୍ଡିଆ ଏହି ସଫଳତା କରିପାରି ନାହିଁ। ଲିଡ୍ସରେ ଦଳ ୬ଟି ମ୍ୟାଚ ମଧ୍ୟରୁ ୨ଟି ଜିତିଛି, ୩ରେ ହାରିଥିବାବେଳେ ଲର୍ଡସରେ ୧୮ଟି ଟେଷ୍ଟରେ ଦଳ ମାତ୍ର ୨ଟି ଟେଷ୍ଟ ଜିତିଛି, ୧୨ଟି ହାରିଛି। ଓଭାଲ ଗ୍ରାଉଣ୍ଡର ରେକର୍ଡକୁ ଦେଖିଲେ ଦଳ ୧୩ଟି ଟେଷ୍ଟରେ କେବଳ ଗୋଟିଏ ଜିତିଛି, ୫ଟିରେ ହାରିଛି । ଅନ୍ୟ ତିନୋଟି ସ୍ଥାନରେ ଦଳ ଏପର୍ଯ୍ୟନ୍ତ ଗୋଟିଏ ବି ଟେଷ୍ଟ ଜିତି ନାହିଁ। ବର୍ମିଂହାମରେ ୭ ଟି ଟେଷ୍ଟ ଖେଳି ୬ଟି ହାରିଛନ୍ତି । ଏହା ବ୍ୟତୀତ ୯ଟି ମଧ୍ୟରୁ ୪ଟି ମଞ୍ଚେଷ୍ଟରରେ ହାରିଥିବାବେଳେ ସାଉଥମ୍ପଟନରେ ସମସ୍ତ ୩ ଟେଷ୍ଟ ମ୍ୟାଚ ହାରିଯାଇଛି।