ନୂଆଦିଲ୍ଲୀ,୨୮।୯: ମିଳିତ ଜାତିସଂଘରେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ଶରିଫ କଶ୍ମୀର ପ୍ରସଙ୍ଗ ଉଠାଇଛନ୍ତି। ଏହାକୁ ନେଇ ଭାରତ ପ୍ରତିକ୍ରିୟା ରଖିଛି। UNGAରେ ରାଇଟ ଟୁ ରିପ୍ଲାଏ ସମୟରେ ପାକିସ୍ତାନୀ ପ୍ରଧାନମନ୍ତ୍ରୀଙ୍କ ଭାଷଣକୁ ଭାରତୀୟ କୂଟନୀତିଜ୍ଞ ଭାବିକା ମଙ୍ଗଲାନନ୍ଦ ଭର୍ସନା କରିଛନ୍ତି। ସେ ପାକିସ୍ତାନକୁ ଆତଙ୍କବାଦ କାରଖାନା ବୋଲି ମଧ୍ୟ କହିଛନ୍ତି।
ପାକିସ୍ତାନୀ ପ୍ରଧାନମନ୍ତ୍ରୀଙ୍କୁ ଜବାବ ଦେଇ ଭାବିକା ମଙ୍ଗଲାନନ୍ଦ କହିଛନ୍ତି, ଜମ୍ମୁ କଶ୍ମୀରରେ ଅନୁଷ୍ଠିତ ବିଧାନସଭା ନିର୍ବାଚନକୁ ପ୍ରଭାବିତ କରିବା ପାଇଁ ପାକିସ୍ତାନ ଆତଙ୍କବାଦ ବ୍ୟବହାର କରିଛି। ବିଶ୍ୱର ଯେକୌଣସି ସ୍ଥାନରେ ହିଂସା ବିରୋଧରେ ପାକିସ୍ତାନ କହିବା କପଟ ଅଟେ। ଜାତିସଂଘରେ ଏକ ହାସ୍ୟାସ୍ପଦ ଘଟଣା ଘଟିଥିବାରୁ ଏହା ଦୁଃଖର ବିଷୟ। ବହୁ ପୂର୍ବରୁ ସୀମା ଆତଙ୍କବାଦକୁ ପଡୋଶୀ ଦେଶ ବିରୁଦ୍ଧରେ ଅସ୍ତ୍ର ଭାବରେ ବ୍ୟବହାର କରି ଆମର ସଂସଦ, ଆମର ଆର୍ଥିକ ରାଜଧାନୀ ମୁମ୍ବାଇ ଉପରେ ଆକ୍ରମଣ କରାଯାଇଛି।
ଭାରତୀୟ କୂଟନୀତିଜ୍ଞ ମଙ୍ଗଲାନନ୍ଦନ କହିଛନ୍ତି, ହିଂସା ବିଷୟରେ ପାକିସ୍ତାନ କହିବା ସବୁଠାରୁ ବଡ କପଟୀ। ଆତଙ୍କବାଦ, ନିଶା, ବାଣିଜ୍ୟ ଏବଂ ଆନ୍ତର୍ଜାତିକ ଅପରାଧ ପାଇଁ ବିଶ୍ୱରେ କୁଖ୍ୟାତ ସୈନ୍ୟବାହିନୀ ଦ୍ୱାରା ପରିଚାଳିତ ଏକ ଦେଶ, ବିଶ୍ୱର ସର୍ବବୃହତ ଗଣତନ୍ତ୍ର ଉପରେ ଆକ୍ରମଣ କରିବାକୁ ଦୁଃସାହସ କରିଛି।
ଭାରତ ଜବାବ ଦେବାପରେ ପାକିସ୍ତାନର ହାଇ କମିଶନର ଭାରତ ବିରୋଧରେ ଭିତ୍ତିହୀନ ଅଭିଯୋଗ କରିଛନ୍ତି। ସେ କହିଛନ୍ତି, ଭାରତରେ ସଂଖ୍ୟାଲଘୁ ସମ୍ପ୍ରଦାୟକୁ ନିର୍ଯାତନା ଦିଆଯାଉଛି। ଆରଏସଏସ-ଭାଜପା ସରକାର ଦଳିତ, ସଂଖ୍ୟାଲଘୁ ଏବଂ କଶ୍ମୀରବାସୀଙ୍କ ଉପରେ ଅତ୍ୟାଚାର କରୁଛନ୍ତି। ତେହେରିକ-ଇ-ପାକିସ୍ଥାନ ଏବଂ ବାଲୁଚିସ୍ତାନ ସେନା ପକ୍ଷରୁ ପାକିସ୍ତାନରେ ଆତଙ୍କବାଦକୁ ପ୍ରୋତ୍ସାହିତ କରୁଛି।