ରାଞ୍ଚି,୧୯।୧୧: ସ୍ଥାନୀୟ ଜେଏସ୍ସିଏ ଆନ୍ତର୍ଜାତୀୟ ଷ୍ଟାଡିୟମରେ ଶୁକ୍ରବାର ଖେଳାଯାଉଛି ଭାରତ-ନ୍ୟୁଜିଲାଣ୍ଡ ଦ୍ୱିତୀୟ ଟି୨୦ ମ୍ୟାଚ। ଏହି ଗୁରୁତ୍ୱପୂର୍ଣ୍ଣ ମ୍ୟାଚରେ ଅଧିନାୟକ ରୋହିତ ଶର୍ମା ଟସ୍ ଜିତି ବୋଲିଂ ନିଷ୍ପତ୍ତି ନେଇଛନ୍ତି।
୩ ମ୍ୟାଚ ବିଶିଷ୍ଟ ଶୃଙ୍ଖଳାରେ ଭାରତ ପ୍ରଥମ ମ୍ୟାଚ ଜିତି ଆଗୁଆ ରହି ସିରିଜ ବିଜୟ ନେଇ ଚେଷ୍ଟା କରିବ। ଅନ୍ୟପକ୍ଷରେ ନ୍ୟୁଜିଲାଣ୍ଡ ଶୃଙ୍ଖଳାରେ ପ୍ରଥମ ବିଜୟ ହାସଲ କରି ଶୃଙ୍ଖଳା ବଞ୍ଚାଇବା ଲକ୍ଷ୍ୟ ନେଇ ମୁକାବିଳା କରିବ। ଏହି ମ୍ୟାଚ ବେଶ ସଂଘର୍ଷପୂର୍ଣ୍ଣ ହେବ ବୋଲି ଆଶା କରାଯାଉଛି। ନୂଆ ପ୍ରଶିକ୍ଷକ ରାହୁଲ ଦ୍ରାବିଡ ଏବଂ ନୂଆ ଅଧିନାୟକ ରୋହିତ ଶର୍ମାଙ୍କ ଯୋଡି ନିଜ ପ୍ରଥମ ମ୍ୟାଚ ଜିତି ସଫଳ ଆରମ୍ଭ କରିଛନ୍ତି। ଶୁକ୍ରବାର ବିଜୟୀ ହେଲେ ଏହି ଦୁଇ ଜଣଙ୍କର ମିଳିତ ଭାବେ ଏହା ପ୍ରଥମ ଶୃଙ୍ଖଳା ବିଜୟ ହେବ। ଅନ୍ୟପକ୍ଷରେ ଭାରତ ଘରୋଇ ମାଟିରେ ଲଗାତାର ପଞ୍ଚମ ଦ୍ବିପାକ୍ଷିକ ଟି-୨୦ ଆନ୍ତର୍ଜାତିକ ଶୃଙ୍ଖଳା ଜିତିବ।
ନ୍ୟୁଜିଲାଣ୍ଡ ଟିମ୍ରେ ପରିବର୍ତ୍ତନ କରିଛି। ନିସାମ, ସୋଡି ଓ ମିଲନେ ଦଳକୁ ଫେରିଛନ୍ତି । ରାଚିନ, ଆସଲେ ଓ ଫର୍ଗୁସନଙ୍କୁ ଦଳରୁ ବାଦ ଦିଆଯାଇଛି।