ନୂଆଦିଲ୍ଲୀ,୨୨ ।୮: ଚାଇନାକୁ ଲାଗି ରହିଥିବା ଏଲଏସି ସହ ହିନ୍ଦ ମହାସାଗର ଅଞ୍ଚଳରେ ତୀକ୍ଷ୍ଣ ନଜର ରଖିବାକୁ ୩ ଅରବ ଡଲାରରୁ ଅଧିକ ପରିମାଣରେ ୩୦ ଏମକ୍ୟୁ-୯ବି ପ୍ରିଡେଟର ସଶସ୍ତ୍ର ଡ୍ରୋନ କ୍ରୟକୁ ନେଇ ଭାରତ ଆମେରିକା ସହ ହେଉଥିବା କଥାବାର୍ତ୍ତା ଶେଷ ପର୍ଯ୍ୟାୟରେ ପହଞ୍ଚିଛି । ଏହି ଘଟଣା ଉପରେ ତଥ୍ୟ ରଖୁଥିବା ଅଧିକାରୀ ରବିବାର ଏହି ସୂଚନା ଦେଇଛନ୍ତି ।
ଏମକ୍ୟୁ-୯ବି ଡ୍ରୋନ୍ ଏମକ୍ୟୁ-୯ ‘ରିପର’ର ଏକ ପ୍ରକାର, ଯାହାର ବ୍ୟବହାର ହେଲଫାୟର ମିଶାଇଲକୁ ସେ ସମ୍ପର୍କିତ ସଶୋଧିତ ସଂସ୍କରଣକୁ ବ୍ୟବହାର କରିବାକୁ କରାଯାଇଥିଲା, ଯେଉଁଥିରେ ଗତ ମାସରେ କାବୁଲରେ ଅଲ-କାଏଦାର ମୁଖ୍ୟ କୁହାଯାଉଥିବା ଅୟମାନ ଅଲ-ଜବାହିରିଙ୍କ ମୃତ୍ୟୁର କାରଣ ହୋଇଥିଲା । ପ୍ରତିରକ୍ଷା ପ୍ରତିଷ୍ଠାନର ଅଧିକାରୀଙ୍କ ସୂତ୍ରର ସୂଚନା ମୁତାବକ ପ୍ରତିରକ୍ଷା କ୍ଷେତ୍ରରେ ପ୍ରମୁଖ ଆମେରିକା କମ୍ପାନୀ ‘ଜନରଲ ଆଟୋମିକ୍ସ’ ଦ୍ୱାରା ନିର୍ମାଣ କରାଯାଇଥିବା ଏହି ଡ୍ରୋନକୁ କ୍ରୟ କରିବା ଲାଗି ଭାରତ ଓ ଆମେରିକା ମଧ୍ୟରେ କଥାବାର୍ତ୍ତା ଚାଲିଛି । ‘ଜନରାଲ ଆଟୋମିକ୍ସ ଗ୍ଲୋବାଲ କର୍ପୋରେଶନ’ର ମୁଖ୍ୟ କାର୍ଯ୍ୟକାରୀ ଡା. ବିବେକ ଲାଲ କହିଛନ୍ତି ଉଭୟ ସରକାରଙ୍କ ମଧ୍ୟରେ ଡ୍ରୋନ୍ କ୍ରୟକୁ ନେଇ ଚାଲିଥିବା କଥାବାର୍ତ୍ତା ଅନ୍ତିମ ପର୍ଯ୍ୟାୟରେ ପହଞ୍ଚିଛି ।