ନୂଆଦିଲ୍ଲୀ,୨୪।୧୨ : ମୁସଲିମ ରାଷ୍ଟ୍ରିୟ ମଞ୍ଚ ଠିକ ୨୦ବର୍ଷ ପୂର୍ବେ ୨୪ ଡିସେମ୍ବର ୨୦୦୨ ରେ ଗଠିତ ହୋଇଥିଲା। ଯେଉଁମାନେ ଏହାକୁ ଆରମ୍ଭ କରିଥିଲେ ସେମାନଙ୍କ ମଧ୍ୟରେ ପୂର୍ବତନ ଆରଏସଏସ ସଂଘ ପ୍ରମୁଖ କେସି ସୁଦର୍ଶନ, ସଂଗଠନର ବରିଷ୍ଠ ନେତା ଇନ୍ଦ୍ରେଶ କୁମାର, ମୁସଲମାନ ବୁଦ୍ଧିଜୀବୀ ମୌଲାନା ୱାହିଦୁଦ୍ଦିନ ଖାନ ଏବଂ ହାଜି ଇଲିଆସି ରହିଥିଲେ। ମୁସଲିମ ରାଷ୍ଟ୍ରିୟ ମଞ୍ଚ ଏହାର ୨୧ ତମ ଫାଉଣ୍ଡେଶନ ଦିବସକୁ ନୂଆଦିଲ୍ଲୀର ଏୱାନ-ଇ-ଘାଲିବରେ ପାଳନ କରିଛି।
ଏହି ଫୋରମର ପୃଷ୍ଠପୋଷକ ତଥା ଆରଏସଏସର ବରିଷ୍ଠ ନେତା ଇନ୍ଦ୍ରେଶ କୁମାର କହିଛନ୍ତି ଯେ ପାକିସ୍ତାନକୁ ସମାନ ଭାଷାରେ ଉତ୍ତର ଦେବା ଉଚିତ। ଯଦି ପାକିସ୍ତାନନରେ ସ୍ଲୋଗାନ ଉଠିଛି ଯେ କାଶ୍ମୀର ବିନା ପାକିସ୍ତାନ ଅସମ୍ପୂର୍ଣ୍ଣ, ତେବେ ଲାହୋର, କରାଚି ଏବଂ ନାନକାନା ସାହେବ ବିନା ଭାରତ ମଧ୍ୟ ଅସମ୍ପୂର୍ଣ୍ଣ ବୋଲି ଏହି ସ୍ଲୋଗାନକୁ ଆମକୁ କେହି ଅଟକାଇ ପାରିବେ ନାହିଁ।
ସେ କହିଛନ୍ତି ଯେ ୧୯୪୭ ରେ ପାକିସ୍ତାନ ଭାରତରୁ ଏବଂ ୧୯୭୧ ରେ ବାଂଲାଦେଶ ପାକିସ୍ତାନ ଠାରୁ ଅଲଗା ହୋଇଥିଲା, କିନ୍ତୁ ଏସବୁ ଭାରତର ଅଂଶ ଥିଲା। ଆଜି ଭାରତରେ ଅନେକ ସୀମା ଗଠନ କରାଯାଇଛି। ସୀମା ରକ୍ଷା କରିବା ପାଇଁ ଆମକୁ କୋଟି କୋଟି ଟଙ୍କା ଖର୍ଚ୍ଚ କରିବାକୁ ପଡୁଛି। ଏବେ ଏହାର ସମାଧାନର ସମୟ ଆସିଛି ବୋଲି ସେ କହିଛନ୍ତି।
