ନୂଆଦିଲ୍ଲୀ,୨୩।୨: ଚଳିତ ଆର୍ଥିକ ବର୍ଷରେ ଭାରତ ବିଶ୍ୱ ଦରବାରରେ ଏକ ବିରଳ ରେକର୍ଡ ସ୍ଥାପନ କରିଥିଲା। ଏପରିକି ବହୁ ବିକଶିତ ରାଷ୍ଟ୍ରକୁ ପଛରେ ପକାଇ ବିଶ୍ୱ ବଜାରରେ ୫ମ ସ୍ଥାନରେ ପହଞ୍ଚତ୍ୟାଇଥିଲା। ହେଲେ ବିଗତ ୯ ମାସ ତଳେ ପାଇଥିବା ସଫଳତା ଧୀରେ ଧୀରେ ହ୍ରାସ ପାଉଛି। ଫଳରେ ବିଶ୍ୱ ବଜାରରେ ଭାରତ ତା’ର ଚମକ ହରାଉଥିବା ବଜାର ବିଶେଷଜ୍ଞମାନେ ମତବ୍ୟକ୍ତ କରୁଛନ୍ତି। ଏପରିକି ମାର୍କେଟ୍ କ୍ୟାପ୍ ମାମଲାରେ ମଧ୍ୟ ଭାରତକୁ ଅତିକ୍ରମ କରି ବ୍ରିଟେନ ୬ଷ୍ଠ ସ୍ଥାନରେ ପହଞ୍ଚତ୍ଛି।
ବିଶେଷକରି ଭାରତ ୯ ମାସ ପୂର୍ବେ ବ୍ରିଟେନକୁ ପଛରେ ପକାଇ ପ୍ରଥମ ଥର ପାଇଁ ଶୀର୍ଷ ୫ରେ ସ୍ଥାନ ହାସଲ କରିଥିଲା। ହେଲେ ବିଗତ ୨ମାସରୁ କାମ ସମୟ ମଧ୍ୟରେ ଘରୋଇ ବଜାର ୫ମ ସ୍ଥାନରୁ ଖସି ୭ ସ୍ଥାନରେ ପହଞ୍ଚତ୍ଛି। ଚଳିତ ବର୍ଷ ଜାନୁୟାରୀ ୩୧ରେ ଭାରତକୁ ପଛରେ ପକାଇ ଫ୍ରାନ୍ସ ୫ମ ସ୍ଥାନରେ ରହିଛି।
ସେହିଭଳି ଚଳିତ ବର୍ଷ ଫେବୃୟାରୀ ୨୨ ମଧ୍ୟରେ ଭାରତର ମାର୍କେଟ୍ କ୍ୟାପ୍ ୨୩୧ ବିଲିୟନ ଡଲାର ତଥା ୬.୯୩% ହ୍ରାସ ହୋଇ ୩.୧୧ ଲକ୍ଷ କୋଟି ଟଙ୍କାରେ ପହଞ୍ଚତ୍ଛି। ଉକ୍ତ କ୍ଷତିରେ ଆଦାନୀ ଗ୍ରୁପ୍ର ଭାଗଦାରି ପ୍ରାୟ ୬୦% ଅନ୍ତର୍ଭୁକ୍ତ ବୋଲି ଆକଳନ କରାଯାଉଛି। ବର୍ତ୍ତମାନ ସମୟରେ ଆଦାନୀ ଗ୍ରୁପ୍ର ବଜାର ପୁଞ୍ଜି ୨୦୨୩ ଫେବୃୟାରୀ ୨୨ ସୁଦ୍ଧା ୧୪୫ ବିଲିୟନ ଡଲାର ହ୍ରାସ ହୋଇଛି। ଅପରପକ୍ଷରେ ଗ୍ଲୋବାଲ ମାର୍କେଟ୍ କ୍ୟାପିଟାଲାଇଜେଶନରେ ମଧ୍ୟ ଭାରତର ଯୋଗଦାନ ହ୍ରାସ ପାଇ ୩% ରୁ କମ୍ରେ ରହିଛି। ଏପରିକି ୨୦୨୨ଅକ୍ଟୋବରରେ ଏହା ପରିମାଣ ୪% ରହିଥିଲା ବୋଲି କୁହାଯାଉଛି। ଭାରତୀୟ ଶେୟାର ମାର୍କେଟ ଶୀର୍ଷ ୧୦ସ୍ଥାନରେ ସବୁଠୁ ଦୁର୍ବଳ ପ୍ରଦର୍ଶନ କରୁଥିବା ବଜାରରେ ପରିଣତ ହୋଇଛି।
ସୂଚନା ଯୋଗ୍ୟ ଜାତୀୟ ଓ ଅନ୍ତଜାତୀୟ ସମସ୍ୟା ସାଙ୍ଗକୁ ବିଶ୍ୱ ଅର୍ଥନୀତିରେ ମଧ୍ୟ ମାନ୍ଦାବସ୍ଥା ଜାରି ରହିଛି। ଭାରତୀୟ ଶିଳ୍ପପତି ତଥା ଆଦାନୀ ଗ୍ରୁପ୍ର ଚେୟାରମ୍ୟାନ ଗୌତମ ଆଦାନୀଙ୍କ ବିରୋଧରେ ଆମେରିକୀୟ ଏଜେନ୍ସି ହିଣ୍ଡେନ୍ବର୍ଗ ତା’ର ଏକ ସର୍ଭେ ରିର୍ପୋଟ ପ୍ରକାଶ କରିଥିଲା।
