ନୂଆଦିଲ୍ଲୀ,୬।୨: ଭାରତୀୟ ଅର୍ଥନୀତି ଉପରେ ସୁପ୍ରିମକୋର୍ଟ ଏକ ବଡ଼ ମନ୍ତବ୍ୟ ଦେଇଛନ୍ତି। ଏକ ମାମଲାର ଶୁଣାଣି ବେଳେ ସୁପ୍ରିମକୋର୍ଟ କହିଛନ୍ତି, ସମଗ୍ର ବିଶ୍ୱ ବର୍ତ୍ତମାନ ଭାରତକୁ ଚିହ୍ନୁଛି। ଏକ ଶକ୍ତିଶାଳୀ ଅର୍ଥନୀତିରେ ଭାରତ ଉନ୍ନତି କରୁଛି। । ଆମେ ଏହା ପାଇଁ ଗର୍ବିତ। କେରଳ ଏବଂ କେନ୍ଦ୍ର ମଧ୍ୟରେ ଚାଲିଥିବା ଆର୍ଥିକ ବିବାଦ ସମ୍ପର୍କରେ ଚାଲିଥିବା ଶୁଣାଣି ସମୟରେ ସୁପ୍ରିମକୋର୍ଟ ଏହି ମନ୍ତବ୍ୟ ଦେଇଛନ୍ତି।
ଆର୍ଥିକ ବିବାଦ ସମ୍ପର୍କରେ ମାମଲାର ଶୁଣାଣି ବେଳେ ସୁପ୍ରିମକୋର୍ଟ କେରଳ ଏବଂ କେନ୍ଦ୍ରର ବରିଷ୍ଠ ଅଧିକାରୀମାନଙ୍କୁ ଆଜି ସା ୫ଟାରେ ଏକାଠି ବସି ଆର୍ଥିକ ସମସ୍ୟାର ସମାଧାନ କରିବାକୁ କହିଛନ୍ତି। ଏହା ମଧ୍ୟ କୁହାଯାଇଛି ଯେ, ବୈଠକର ଫଳାଫଳ ଉପରେ ନିର୍ଭର କରି ଉଭୟ ପକ୍ଷ ପୁନର୍ବାର ସୁପ୍ରିମକୋର୍ଟକୁ ଆସିପାରିବେ। ମାମଲା ବିଚାରାଧୀନ ନ ହେବା ପର୍ଯ୍ୟନ୍ତ ସୁପ୍ରିମକୋର୍ଟ ଉଭୟ ପକ୍ଷଙ୍କୁ ଏହି ପ୍ରସଙ୍ଗରେ ଗଣମାଧ୍ୟମ ସହ କଥାବାର୍ତ୍ତା ନ କରିବାକୁ କହିଛନ୍ତି।
ଶୁଣାଣି ସମୟରେ ଜଷ୍ଟିସ ସୂର୍ଯ୍ୟ କାନ୍ତ କହିଛନ୍ତି, ଭାରତ ଏବେ ଶକ୍ତିଶାଳୀ, ସମଗ୍ର ବିଶ୍ୱ ଏହାକୁ ସ୍ବୀକାର କରୁଛି। ଯେତେବେଳେ ବି ଆମେ ଦେଶ ବାହାରକୁ ଯିବା, ସେତେବେଳେ ଆମେ ଅନୁଭବ କରୁ ଯେ ଭାରତ ଏହାର ଅର୍ଥନୀତି ସହିତ କେତେ ଶକ୍ତିଶାଳୀ ହେଉଛି। ଏହି ସବୁ ତଥ୍ୟ ଏବଂ ଆକଳନ ଉପରେ ଆଧାରିତ। ଆମେ ସମସ୍ତେ ଏଥିପାଇଁ ଗର୍ବିତ ହେବା ଉଚିତ୍।