ଇସଲାମାବାଦ୍,୩୦।୪: ପାକିସ୍ତାନର ବରିଷ୍ଠ ନେତା ତଥା ଜାମିୟତ ଉଲେମା-ଇ-ଇସଲାମ (ଏଫ) ର ସଭାପତି ମୌଲାନା ଫଜଲୁର ରେହମାନ ପାକିସ୍ତାନକୁ ଭାରତ ସହ ତୁଳନା କରି କହିଛନ୍ତି, ଭାରତ ଆଜି ଏକ ମହାଶକ୍ତି ହେବାକୁ ଯାଉଛି, ଆମେ ଭିକ ମାଗୁଛୁ ଏବଂ ଦେବାଳିଆ ପରିସ୍ଥିତିକୁ ଏଡାଇବାକୁ ଅନୁରୋଧ କରୁଛୁ। ଏହି ପରିସ୍ଥିତି ପାଇଁ କିଏ ଦାୟୀ ବୋଲି ମୌଲାନା ପ୍ରଶ୍ନ କରିଛନ୍ତି। ପାକିସ୍ତାନରେ ସାଧାରଣ ନିର୍ବାଚନ ପରେ ଜାତୀୟ ସଭାର ପ୍ରଥମ ଅଧିବେଶନକୁ ସମ୍ବୋଧିତ କରିବାବେଳେ ଫଜଲୁର ରେହମାନ ଏହା କହିଛନ୍ତି।
ମୌଲାନା କହିଛନ୍ତି,ପରଦା ପଛରୁ ନିଷ୍ପତ୍ତି ନେଉଥିବା ଅଦୃଶ୍ୟ ଶକ୍ତି ଦେଶର ଦୁର୍ଦ୍ଦଶା ପାଇଁ ଦାୟୀ, ଯେଉଁମାନେ ଲୋକଙ୍କର ନିର୍ବାଚିତ ପ୍ରତିନିଧୀଙ୍କୁ କାଠ କଣ୍ଢେଇରେ ପରିଣତ କରିଛନ୍ତି। ଏହି ଶକ୍ତିମାନେ ପରଦା ପଛରୁ ଆମକୁ ନିୟନ୍ତ୍ରଣ କରନ୍ତି। ସେମାନେ ନିଷ୍ପତ୍ତି ନିଅନ୍ତି, ଆମେ କେବଳ କାଠ କଣ୍ଢେଇ।
ପାକିସ୍ତାନୀ ସଂସଦର ବୈଧତା ଉପରେ ପ୍ରଶ୍ନ ଉଠାଇ ମୌଲାନା ଫଜଲୁର ରେହମାନ କହିଛନ୍ତି, ସଂସଦ ସଦସ୍ୟମାନେ ନୀତି ହରାଇ ବସିଛନ୍ତି ଏବଂ ଗଣତନ୍ତ୍ର ବିକ୍ରୟ କରିବାରେ ବ୍ୟସ୍ତ ଅଛନ୍ତି। ଆମେ ଆମ ଦେଶକୁ ସ୍ଥିରତାର ଶିକାର କରିଛୁ, ଏଭଳି ଦେଶ ଅଗ୍ରଗତି କରିପାରିବ ନାହିଁ।
