ନୂଆଦିଲ୍ଲୀ,୨୧ ।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ସକାଳ ୯ଟା ୩୦ରେ ଭିଡିଓ କନଫରେନସିଂ ଜରିଆରେ ୬ଷ୍ଠ ଇଣ୍ଡୋ-ଜାପାନ ସମ୍ବାଦ ସମ୍ମିଳନୀକୁ ସମ୍ବୋଧନ କରିଛନ୍ତି । ସମ୍ବୋଧନ ଆରମ୍ଭରେ ମୋଦି କହିଥିଲେ ଭାରତ-ଜାପାନ ସମ୍ବାଦକୁ ନିରନ୍ତର ସମର୍ଥନ ଦେଇଥିବାରୁ ସେ ଜାପାନ ସରକାରଙ୍କୁ ଧନ୍ୟବାଦ ଦେଇଛନ୍ତି । ଏହାସହ ଏକ ପାରମ୍ପିକ ବୌଦ୍ଧ ସାହିତ୍ୟର ପୁସ୍ତକାଳୟ ଓ ଶାସ୍ତ୍ର ନିର୍ମାଣର ପ୍ରସ୍ତାବ ରଖିଛନ୍ତି ପ୍ରଧାନମନ୍ତ୍ରୀ । ଯଦି ଏମିତି ପୁସ୍ତକାଳୟ ଭାରତରେ ପ୍ରତିଷ୍ଠା କରାଯିବ ତେବେ ଏହା ଆମ ପାଇଁ ଖୁସିର କଥା । ଏହାସହ ମୋଦି ଆହୁରି ମଧ୍ୟ କହିଥିଲେ ସମ୍ବାଦ ଏମିତି ହେବା ଦରକାର ଯାହା ଆମର ସମ୍ପୂର୍ଣ୍ଣ ଗ୍ରହରେ ସକରାତ୍ମକ, ଏକତା ଓ କରୁଣାର ଭାବନା ପ୍ରସାର କରୁଥିବ । ତାହାପୁଣି ଯେତେବେଳେ ଆମକୁ ଏହାର ଆବଶ୍ୟକତା ସବୁଠାରୁ ଅଧିକ ପଡୁଥିବ । ଏହି ସମ୍ବାଦ ମାନବ ଇତିହାସରେ ଏକ ମହତ୍ୱପୂର୍ଣ୍ଣ ମୁହୂର୍ତ୍ତରେ ହେଉଛି । ଆମର କାମ ଆଗାମି ଦିନରେ ପ୍ରବଚନର ଆକାର ଦେବ ।