ଢାକା,୭।୧୨: ଦ୍ୱିତୀୟ ଦିନିକିଆରେ ବାଂଲାଦେଶ ଭାରତକୁ ପାଞ୍ଚ ରନ୍ରେ ପରାସ୍ତ କରିଛି। ଏହି ବିଜୟ ସହ ବାଂଲାଦେଶ ସିରିଜ୍ ବିଜୟ ହାସଲ କରିଛି। ଢାକାସ୍ଥିତ ଶେର-ଇ-ବଙ୍ଗଳା ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ଟସ ହାରି ପ୍ରଥମେ ବ୍ୟାଟିଂ କରିଥିବା ବାଂଲାଦେଶ ୫୦ ଓଭରରେ ୭ ଉଇକେଟ୍ ହରାଇ ୨୭୧ ରନ୍ କରିଥିଲା। ମେହେଦି ହାସନ ମିରାଜ ୮୩ ବଲରେ ୧୦୦ ରନର ଅପରାଜିତ ଇନିଂସ ଖେଳିଥିଲେ। ଏହା ବ୍ୟତୀତ ମହମୁଦୁଲ୍ଲା ୭୭ ରନ ସଂଗ୍ରହ କରିଥିଲେ। ଏହାର ଜବାବରେ ଭାରତୀୟ ଦଳ ନଅ ଉଇକେଟ ହରାଇ ୫୦ ଓଭରରେ ୨୬୬ ରନ ସ୍କୋର କରିପାରିଥିଲା। ଏହି ମ୍ୟାଚ ଆରମ୍ଭରେ ରୋହିତ ଶର୍ମା ଆହତ ହୋଇଥିଲେ। ଫିଲ୍ଡିଂ ବେଳେ ତାଙ୍କ ବାମ ଆଙ୍ଗୁଠିରେ ଗଭୀର ଆଘାତ ଲାଗିଥିଲା। ଏହା ପରେ ରୋହିତଙ୍କୁ ମଧ୍ୟ ଡାକ୍ତରଖାନା ନିଆଯାଇଥିଲା। ପରେ ସେ ପଡିଆକୁ ଫେରିଥିଲେ, କିନ୍ତୁ ତାଙ୍କ ବାମ ଆଙ୍ଗୁଠିକୁ ବ୍ୟାଣ୍ଡେଜ କରାଯାଇଥିଲା। ଏଭଳି ପରିସ୍ଥିତିରେ ସେ ଫିଲ୍ଡିଂ ପାଇଁ ଓହ୍ଲାଇ ନ ଥିଲେ। ରୋହିତ ନଅ ନମ୍ବରରେ ବ୍ୟାଟିଂ କରିବାକୁ ଆସିଥିଲେ। ଆହତ ଆଙ୍ଗୁଠି ପରେ ମଧ୍ୟ ରୋହିତ ତିନୋଟି ଚୌକା ଓ ପାଞ୍ଚ ଛକା ସହାୟତାରେ ୨୮ଟି ବଲରେ ଅପରାଜିତ ୫୧ ରନ କରି କରିଥିଲେ। ଶେଷ ଓଭରରେ ଭାରତକୁ ୨୦ ରନ ଆବଶ୍ୟକ ଥିଲା। ବଲଟି ମୁସ୍ତାଫିଜୁର ରହମାନଙ୍କ ହାତରେ ଥିଲା ଏବଂ ରୋହିତ ଷ୍ଟ୍ରାଇକରେ ଥିଲେ।
ପ୍ରଥମ ବଲରେ କୌଣସି ରନ ସ୍କୋର ହୋଇ ନ ଥିଲା। ଦ୍ୱିତୀୟ ଏବଂ ତୃତୀୟ ବଲରେ ରୋହିତ ଲଗାତାର ଦୁଇଟି ଚୌକା ମାରିଥିଲେ। ଏହା ପରେ ଚତୁର୍ଥ ବଲରେ କୌଣସି ରନ ସ୍କୋର କରାଯାଇ ନ ଥିଲା। ଜିତିବା ପାଇଁ ଭାରତ ଶେଷ ଦୁଇଟି ବଲରୁ ୧୨ ରନ ଆବଶ୍ୟକ କରିଥିଲା। ରୋହିତ ପଞ୍ଚମ ବଲରେ ଛକା ମାରିଥିଲେ। ମୁସ୍ତାଫିଜୁର ଶେଷ ବଲରେ ଏକ ୟର୍କର ବଲ ବୋଲିଂ କରିଥିଲେ ଏବଂ କୌଣସି ରନ ସ୍କୋର କରାଯାଇ ନ ଥିଲା। ଏହିପରି ଭାବେ ବାଂଲାଦେଶ ଜିତିଥିଲା। ମ୍ୟାଚର ଟର୍ନିଂ ପଏଣ୍ଟ ୪୮ ତମ ଓଭରରେ ଥିଲା, ଯେଉଁଥିରେ ମହମ୍ମଦ ସିରାଜ ଷ୍ଟ୍ରାଇକ ନେଇଥିଲେ। ରହମାନଙ୍କ ଏହି ଓଭରରେ କୌଣସି ରନ ସ୍କୋର କରାଯାଇ ନ ଥିଲା।
ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜରେ ବାଂଲାଦେଶ ମଧ୍ୟ ୨-୦ ଅଗ୍ରଣୀ ହାସଲ କରିଛି। ୨୦୧୫ ପରଠାରୁ ବାଂଲାଦେଶ ପ୍ରଥମ ଥର ପାଇଁ ଭାରତ ବିପକ୍ଷରେ ଏକ ଦିନିକିଆ ସିରିଜ ଜିତିଛି।