ନୂଆଦିଲ୍ଲୀ,୮ ।୧୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଇଣ୍ଡିଆନ ମୋବାଇଲ କଂଗ୍ରେସ(ଆଇଏମ୍ସି)୨୦୨୦କୁ ସମ୍ବୋଧନ କରିବା ଅବସରରେ ଦେଶରେ ୫ଜି ଟେକ୍ନିକ୍କୁ ଠିକ୍ ସମୟରେ ଲଞ୍ଚ କରିବା ପାଇଁ ମିଳିମିଶି କାମ କରିବାକୁ ଆହ୍ୱାନ ଦେଇଛନ୍ତି । ସେ କହିଛନ୍ତି ଏହା ଚିନ୍ତା କରିବା ଓ ଏହି ଯୋଜନାକୁ ପ୍ରସ୍ତୁତ କରିବା ମହତ୍ୱପୂର୍ଣ୍ଣ ହେବ ଯେ ଆମେ ଆଗାମୀ ପ୍ରଦ୍ୟୋଗିକ କ୍ରାନ୍ତି ସହ ଜୀବନକୁ କେମିତି ଆହୁରି ଭଲ ଭାବେ ବିତାଇ ପାରିଛେ । ଆଇଏମସି ୨୦୨୦ର ଆୟୋଜନ ଭାରତ ସରକାରଙ୍କ ଦୂର ସଂଚାର ବିଭାଗ ଓ ସେଲ୍ୟୁଲର ଅପରେଟର୍ସ ଆସୋସିଏଶନ ଅଫ୍ ଇଣ୍ଡିଆ(ସିଓଏଆଇ)ଦ୍ୱାରା କରାଯାଇଥିଲା । ଏହା ୮-୧୦ ଡିସେମ୍ବର ପର୍ଯ୍ୟନ୍ତ ଚାଲିବ । ଅନ୍ୟପଟେ କରୋନା ମହାମାରୀକୁ ନେଇ ବିକଶିତ କରାଯାଉଥିବା ଟିକା ଖୁବଶୀଘ୍ର ଉବଲବ୍ଧ ହେବା ସମ୍ମାବନା ଥିବା ବେଳେ ମୋଦି କହିଛନ୍ତି କୋଭିଡ-୧୯ ଟିକାକରଣ ଅଭିଯାନରେ ମୋବାଇଲ ଟେକ୍ନୋଲୋଜିର ବ୍ୟବହାର କରାଯିବ । ଏହାଦ୍ୱାରା ଅରବ ଡଲାର ଲାଭ ସହ ଲାଭାର୍ଥି ପର୍ଯ୍ୟନ୍ତ ସଫଳତାର ସହ ଏହା ପହଞ୍ଚିବ । ତେଣୁ ମୋବାଇଲ ଟେକ୍ନୋଲୋଜି ଦ୍ୱାରା ହିଁ ଦେଶରେ କୋଭିଡ-୧୯ ଟିକାକରଣ ଆଗକୁ ବଢି ପାରିବ ।
