ନୂଆଦିଲ୍ଲୀ,୯।୧୧ : ଭାରତର ଜି-୨୦ ଶେର୍ପା ଅମିତାଭ କାଣ୍ଟ କହିଛନ୍ତି ଯେ ଭାରତର ବିକାଶ ପାଇଁ ୧୦ ହଜାର ଅମ୍ବାନୀ ଏବଂ ୨୦ ହଜାର ଆଦାନୀ ଆବଶ୍ୟକ। କେବଳ ସେତେବେଳେ ହିଁ ଦେଶର ବିକାଶ ସମ୍ଭବ ହୋଇ ପାରିବ। ତେଣୁ ଆମେ ଜି-୨୦ର ସୁଯୋଗର ଲାଭ ଉଠାଇ ନିଜନିଜ କ୍ଷେତ୍ରକୁ ବଡ଼ ଏବଂ ଅଧିକ ବୃହତ୍ କରିବାର ଆବଶ୍ୟକତା ରହିଛି। ଏହା ଏକ ସୁଯୋଗ ଯାହା ଆଉ କେବେ ହୁଏତ ଆସି ନପାରେ। ସେ ପୁଏଚଡି ହାଉସରେ ଏକ କାର୍ଯ୍ୟକ୍ରମରେ ଯୋଗଦେଇ ଏଭଳି କହିଛନ୍ତି।
ସୂଚନାଯୋଗ୍ୟ. ଭାରତ ଡିସେମ୍ବର ୧ ରୁ ଜି-୨୦ ଅଧ୍ୟକ୍ଷ ହେବାକୁ ଯାଉଛି। ବର୍ତ୍ତମାନ ଇଣ୍ଡୋନେସିଆ ହେଉଛି ଏହାର ଅଧ୍ୟକ୍ଷ ରାଷ୍ଟ୍ର। କାଣ୍ଟ କହିଛନ୍ତି ଯେ ଜି -୨୦ ର ଅଧ୍ୟକ୍ଷତା ସମୟରେ ସାରା ବିଶ୍ୱର ବ୍ୟବସାୟୀଙ୍କ ସହିତ ଯୋଗାଯୋଗ କରିବାର ଏକ ବଡ଼ ସୁଯୋଗ ଅଛି । ବିଶ୍ୱ ଯୋଗାଣ ଶୃଙ୍ଖଳାର ଏକ ଅବିଚ୍ଛେଦ୍ୟ ଅଙ୍ଗ ହେବା ପାଇଁ ମଧ୍ୟ ଏହା ଏକ ଉତ୍ତମ ସୁଯୋଗ।