ଜୟପୁର,୧୭।୧୧: ରୋହିତ ଶର୍ମାଙ୍କ ନେତୃତ୍ୱାଧୀନ ଟିମ୍ ଇଣ୍ଡିଆକୁ ନ୍ୟୁଜିଲାଣ୍ଡ ବିପକ୍ଷରେ ବିଜୟ ଅଭିଯାନ ଆରମ୍ଭ କରିବା ଲାଗି ୧୬୫ ରନ୍ ଦରକାର। ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିବା ଭ୍ରମଣକାରୀ ଦଳ ୨୦ ଓଭରରେ ୬ ଉଇକେଟ ହରାଇ ୧୬୪ ରନ୍ କରିଛି। ରବିଚନ୍ଦ୍ରନ ଅଶ୍ୱିନ ଦୁଇ ଉଇକେଟ ନେଇ ନ ଥିଲେ ନ୍ୟୁଜିଲାଣ୍ଡ ହୁଏତ ଆହୁରି ବଡ଼ ସ୍କୋର ଛିଡ଼ା କରିଥାନ୍ତା।
ନ୍ୟୁଜିଲାଣ୍ଡକୁ ପ୍ରଥମ ଓଭରରେ ଡାରଲି ମିଚେଲଙ୍କ ରୂପେ ବଡ଼ ଝଟକା ଦେଇଥିଲେ ଭୁବନେଶ୍ୱର କୁମାର। ଏହାପରେ ମାର୍ଟିନ ଗୁପଟିଲ ୭୦ (୩ ଚୌକା ଓ ୪ ଛକା) ଏବଂ ମାର୍କ ଚାପମ୍ୟାନ (୬୩ ରନ୍, ୬ ଚୌକା ଓ ୨ ଛକା) ଦର୍ଶନୀୟ ଅର୍ଦ୍ଧଶତୀୟ ଇନିଂସ ଖେଳିଥିଲେ। ଦୁହେଁ ଦ୍ୱିତୀୟ ଉଇକେଟ ପାଇଁ ଦଳୀୟ ସ୍କୋରରେ ଯୋଡ଼ିଥିଲେ ୧୦୯ ରନ୍। କିନ୍ତୁ ୧୪ ତମ ଓଭରରେ ଅଶ୍ୱିନ ଦୁଇ ଉଇକେଟ ନେବାରୁ ମ୍ୟାଚ୍କୁ ପ୍ରତ୍ୟାବର୍ତ୍ତନ କରିଥିଲା ଭାରତ। ବୋଲିଂରେ ଭୁବି ଓ ଅଶ୍ୱିନ ୨ ଉଇକେଟ ନେଇଥିଲେ।