ନୂଆଦିଲ୍ଲୀ,୨୧।୫: ଏଫ୍ଆଇଏଚ୍ ମହିଳା ହକି ପ୍ରୋ ଲିଗ୍ ଟୁର୍ନାମେଣ୍ଟ ଲାଗି ଶନିବାର ଭାରତ ୨୪ ଜଣିଆ ଖେଳାଳି ତାଲିକା ଘୋଷଣା କରିଛି। ଜୁନ୍ରେ ନେଦରଲ୍ୟାଣ୍ଡ ଓ ବେଲଜିୟମ୍ରେ ଖେଳାଯିବାକୁ ଥିବା ଏହି ପ୍ରୋ ଲିଗ୍ରେ ଭାରତର ନେତୃତ୍ୱ ୩୧ ବର୍ଷୀୟ ସବିତା ପୁନିଆ ନେବେ। ସେହିପରି ଉପଅଧିନାୟକ ଭାବେ ଓଡ଼ିଶାର ଦୀପ ଗ୍ରେସ ଏକ୍କା ନିଯୁକ୍ତି ପାଇଛନ୍ତି। ଅଲିମ୍ପିକ୍ସରେ ମଧ୍ୟ ଦୀପ ଗ୍ରେସ ଭାରତର ଉପ ଅଧିନାୟକ ଦାୟିତ୍ୱ ତୁଲାଇଥିଲେ।
ପ୍ରକାଶ ଯେ, ଜୁଲାଇ ୧ରୁ ୧୭ ଯାଏ ନେଦରଲ୍ୟାଣ୍ଡସ ଓ ସ୍ପେନରେ ମହିଳା ହକି ବିଶ୍ୱକପ ଅନୁଷ୍ଠିତ ହେବ। ଏହାପୂର୍ବରୁ ଭାରତୀୟ ମହିଳା ଦଳ ଜୁନ ୧୧ରୁ ୨୨ ମଧ୍ୟରେ ୬ଟି ମ୍ୟାଚ ଖେଳିବ। ଆୟୋଜକ ବେଲଜିୟମକୁ ଜୁନ ୧୧ ଓ ୧୨ ଭାରତ ଭେଟିବ। ଜୁନ ୧୮ ଓ ୧୯ରେ ଆର୍ଜେଣ୍ଟିନା ଏବଂ ୨୧ ଓ ୨୨ ତାରିଖରେ ଭାରତ ଆମେରିକା ସହ ଦୁଇଟି ମ୍ୟାଚ ଖେଳିବ।
ଭାରତୀୟ ଦଳ:
ଗୋଲ କିପର: ସବିତା ପୁନିଆ(ଅଧିନାୟକ), ବିଚୁ ଦେବୀ ଖାରିବାମ
ଡିଫେଣ୍ଡର: ଦୀପ ଗ୍ରେସ ଏକ୍କା(ଉପ ଅଧିନାୟକ), ଗୁଜଜିତ କୌର, ନିକ୍କି ପ୍ରଧାନ, ଉଦିତା, ଇଶିକା ଚୌଧୁରୀ, ଅକ୍ଷିତା ଆବାସୋ ଦେଖାଲେ
ମିଡ ଫିଲ୍ଡର: ନିଶା, ସୁଶୀଲା ଚାନୁ ପି, ମୋନିକା, ନେହା, ଜ୍ୟୋତି, ନବଜୋତ କୌର, ସୋନିକା, ସଲିମା ଟେଟେ, ବଲଜୀତ କୌର
ଫରୱାର୍ଡ: ବନ୍ଦନା କଟାରିୟା, ଲାଲରେମସିଆମି, ନବନୀତ କୌର, ଶର୍ମିଲା ଦେବୀ, ସଙ୍ଗୀତା କୁମାରୀ, ଦୀପିକା ଓ ରାନୀ ରାମପଲ।
