ମୁମ୍ବାଇ ୩୦।୧୧: ବଲିଉଡ୍ ଅଭିନେତ୍ରୀ ସୟାନି ଗୁପ୍ତା, ହୁସୈନ ଦଲାଲା ଓ ରିଷଭ କପୁରଙ୍କ ଭଳି ଷ୍ଟାରର ଫିଲ୍ମ ‘ଶେମଲେସ୍’କୁ ଓସ୍କାର ପାଇଁ ଚୟନ କରାଯାଇଛି। ଆସନ୍ତା ବର୍ଷ ୯୩ତମ ଓସ୍କାର ଆଓ୍ବାର୍ଡ ସମାରୋହ ଆୟାଜିତ ହେବ। ଏଥିପାଇଁ ଲାଇଭ ଆକ୍ସନ ଶର୍ଟ ଫିଲ୍ମ ବର୍ଗରେ ଭାରତ ପକ୍ଷରୁ ଶେମଲେସ୍କୁ ମନୋନୀତ କରାଯାଇଥିବା ଜଣାପଡ଼ିଛି। ଏହି ଫିଲ୍ମ ୧୫ ମିନିଟ୍ର ହୋଇଥିବା ବେଳେ ଏହା ଏକ ବ୍ଲାକ କମେଡି ଥ୍ରିଲର ଫିଲ୍ମ। ଫିଲ୍ମର କାହାଣୀର ଲେଖକ ଓ ନିର୍ଦ୍ଦେଶନା ଭାର କୀଥ ଗୋମ୍ସ ତୁଲାଇଛନ୍ତି। ଶେମଲେସ୍ ଓସ୍କାର ଆଓ୍ବାର୍ଡ ପାଇଁ ଚୟନ ହୋଇଥିବାରୁ ଫିଲ୍ମର ଅଭିନେତା ଓ ନିର୍ଦ୍ଦେଶକ ନିଜର ଖୁସିବ୍ୟକ୍ତି କରିଛନ୍ତି।